前男友出走學佛子羚否認逼婚感情升溫！陳展鵬帶單文柔睇戲

娛樂 03-12

原標題：前男友出走學佛子羚否認逼婚感情升溫！陳展鵬帶單文柔睇戲

今日快報

天生麗質！佘詩曼素顔開Live獲激贊

藝人佘詩曼（阿佘）早前伙拍黃子華的賀歲片《棟篤特工》、票房衝破四千萬！大感興奮的阿佘昨晚更鮮有地在家中廚房以素顏上陣，即興在社交平台開Live，與粉絲們舉行分享會。

阿佘做直播時被逾百個留言贊靚女，因未食晚餐的關係，她邊傾談邊用微波爐叮熱自己的美顏配方，她說：「女人要愛錫自己，尤其是大家工作咁忙，一定要好好注意身體，要Keep到好精神，健康得來要注意營養，咁就唔化妝面色都紅卜卜，好氣色應該由內調理，先可以靚到出嚟。」

不過直播期間的阿佘十分論盡，當她想舉杯給粉絲們看看時不小心倒瀉液體，令她即場尷尬高呼：「倒咗啲出嚟呀！」自己亦忍不住傻笑，此舉動獲粉絲大讚可愛。

前男友出走學佛子羚分手首現身否認逼婚

無線藝員藝姚子羚與圈外男友鄭子邦拍拖三年以來一直愛得甜蜜，屢傳婚訊，沒料三年情近日突然爆出畫上句號。

今早，姚子羚、胡定欣、曹永廉、張振朗等現身機場，為無線劇集《包青天再起風雲》前往橫店拍攝外景。「分」訊爆出後，姚子羚首度公開露面回應，她心情看來不俗，似乎未有受情變影響。

有指是因她及其好姊妹逼婚，令關係由「婚」變「分」，問到姚子羚是否在結婚問題上與鄭子邦出現分岐？她說：「絕對唔系，呢樣嘢真系好想去澄清，唔系外間所講嘅結婚問題、逼婚問題，都要幫我身邊嘅好姊妹澄清，絕對唔系因為逼婚、結婚問題。感情系兩個人嘅事，我亦都相信我哋一路系朝住呢個目標去進發，但系可能過程裡面出現咗一啲相處上面嘅嘢，但系唔需要用唔好嘅心態去面對呢件事，我哋只系換咗第二個相處嘅方式，大家又舒服咗，將來嘅嘢亦冇人知。」

（阿邦傷心去咗尼泊爾修行？）唔系，佢系佛教徒，呢個旅程計劃咗好耐，佢平時都去唔同地方學佛，對佢嚟講系最開心，只系咁啱得咁橋。（去拍嘢兩個月分散咗分手心情？）都系嘅，不過就算系香港都OK，大家關係良好，所以唔會有大影響，不過當然離開咗就可以專心做嘢。」

祖兒軒仔扮可愛　網民：食咗葯未呀？

小朋友斗萌大家見到都可能會贊好得意，但如果幾廿歲人玩扮可愛，唔知大家又點睇呢？日前天后容祖兒就喺社交網甫出同張敬軒玩扮可愛嘅短片，並留言：「幾廿歲裝可愛比賽@hinscheung」，一嚟就見到著曬西裝嘅軒仔拎住個籃喺走廊度跳跳扎，十足一個小朋友去幫阿媽買餸咁款。

雖然祖兒同軒仔都系拎住同一個籃跳嚟跳去，不過祖兒就似去行街shopping多啲！一班網民睇見佢兩個扮可愛，都話忍唔住笑咗出嚟，仲有人笑言：「今日食咗葯未呀？定系食錯葯？」、「你兩隻野（嘢）系時候要覆診喇！」

陳法拉快閃香港四日搵真銀

藝人陳法拉近日匆匆返港四天，趁周六、日連拍兩個廣告，笑指四日內先後感受冬夏兩季溫差，故頓時未能適應本地天氣，雖然行程緊密，休息時間有限，幸好於其中一個拍攝現場，有一張大床可供她放飯及換景時，小睡片刻充電。

而今日法拉已飛返紐約，為最後一個學期的畢業課程作準備。

感情升溫！陳展鵬帶單文柔睇戲任影唔嬲

藝人陳展鵬、單文柔（Phoebe）已是公開的一對，展鵬更經常帶同Phoebe出席好友聚會，大家都對她印象相當不俗，贊她又乖又有禮貌！日前，展鵬出席活動時，被問到女友Phoebe是否已融入家中時，展鵬即風趣謂：「佢又唔系菲佣！點會融入家中，總之大家相處舒服！」

無錯！相信佢哋真系相處得唔錯，剛剛於新加坡出席無線「big big channel」活動的展鵬，一返港就即陪女友，男女拍拖不外乎食飯同睇戲，今晚展鵬與Phoebe去餐廳撐枱腳，之後仲去咗戲院睇戲，仲畀東網讀者影到添，佢哋仲好大方唔介意任影唔嬲！讀者都大讚佢哋nice爆！展鵬休息咗半年，好快就要開劇嘞！有時間真系要多啲陪女友同家人先得嘞！

有事宣布！賴慰玲囝囝中文名叫「梁進也」