又一對TVB情侶分手！四年情完她堅決拒複合！疑似小三是她？

娛圈最近掀起分手潮，近日爆出拍拖四年的湯洛雯同羅天宇分訊，二人已分開兩個月，有報道指羅天宇已同陳瀅交往，傳佢哋早前一齊去大排檔食飯。

日前羅天宇對分手一事，以短訊回覆傳媒，佢承認分手，但避談陳瀅，佢話：「我同阿湯的確因為生活上問題，分開咗大概四個月，我哋一向喺感情上都希望低調，所以冇同大家講，我哋嘅分開系和平嘅，雖然我哋系分開咗，但系我哋仍然有繼續聯絡同關心對方，希望大家畀啲空間。」

湯洛雯回覆分手一事，"Sorry i was working just now.. Yes!We broke up but it was peaceful, no third person involved."

對於陳瀅忽然被指系「新歡」，羅天宇覺得唔好意思：「連累到佢，大排檔嗰日，我哋有七位朋友一齊食飯 ，並唔系撐枱腳。」

湯洛雯為湯鎮業侄女，早年拍攝《愛．回家》識到有錢仔羅天宇，發展地下情，拍拖四年，戀情慢慢浮面，早前湯洛雯有講過唔排除閃婚，更秘搬入羅天宇位於紅磡升御門愛巢同居試婚。

去年10月羅天宇生日，湯洛雯猶如「女主人」招呼圈中好友喺屋企P，以為佢哋打風都打唔甩，之不過有傳二人成日嘈交，幾經離離合合，相處出現問題，覺得唔可以維繫落去。

湯洛雯公開分訊後，直言松咗一口氣，之前分手已經諗點同大家講，加上自己唔慣公開私人感情事，所以先一直冇主動講，不過佢話確實冇第三者存在，分開只系自己感情問題，問到佢同羅天宇有冇機會複合，湯洛雯斬釘截鐵咁講，佢哋存在咗一個解決唔到嘅問題，就算複合都冇意思，之後仍然會keep住做朋友。

目前湯洛雯會專註在工作上，需要點時間沉澱下情緒，佢又話雖然唔抗拒追求者，不過暫時冇準備接受新感情，需要時間去了解對方，想搵一個成熟穩重又細心嘅男友。

喜歡這篇文章嗎？立刻分享出去讓更多人知道吧！