歌手張敬軒（軒仔）去年宣布作「短期休息」後，今年全力「復出」，將於6月15至17日舉行三場演唱會及國語、廣東新碟，其中一代表作就是親自籌備一年，將音樂及餐廳結合，逾7位數字開餐廳。

感情有「缺」

軒仔在自資的餐廳為新歌《缺》接受專訪，問到37歲的他有名有利有餐廳，唯獨感情事有「缺」，但軒仔卻大爆：「過去幾年都有啲情緣，對方系工作時認識。（好多個？）我都系個好材料嘅?，你覺得我系咪筍盤，我大人大姐話冇你都唔信啦？」問是否應戥他高興？他說：「有乜好高興，空歡喜一場。（冇試嚇發展？）我怕麻煩，大家未去到發展嗰一步，只系大家Feel到互有好感。」

自認超難相處

軒仔直言是個典型水瓶座的人，是個超難相處的人，他先反問說：「你都應該Feel到？我系個好麻煩嘅人，啲衫要折到起角，對一個有偏執狂嘅人，我生活嘅快感來自一隻叉擺得正唔正，盞燈擺得靚唔靚，就系呢啲，我暫時未必需要一個伴侶，咩人需要伴侶呢？就系對方喺我世界裡面，我可以包容佢嘅嘢，好似污糟邋遢，好似買家俬咁，當你想擺一張兩座梳化時，自然會騰出一位置。」已多年冇拍拖的他，可覺得錯過機會？軒仔坦言連阿媽都心急催拍拖，而他不只想拍拖，更因自己已37歲，更想搵個結婚對象：「心裏面都想搵一個一直陪你行到釘蓋嘅人。（對另一半有咩要求？）首先要有Feel啦，要持家有道，仲要事業上幫到我。（外表呢？）唔使靚樣，高大，身材好。（都好貪心?？）所以咪冇啰！（降低啲？）咁點呀，唔通搵個人返屋企篤眼篤鼻咩？」

曾被媽媽懷疑有「問題」

軒仔覺得對象難求，跟他做娛樂圈有關：「呢行見得人多，引誘又大，相處時間又唔多，但一個人時，自己鍾意幾時飛就幾時飛，我嚮往自由。（鍾意畀人錫？）我鍾意照顧人多啲，隨緣啦，上帝自有安排，但我唔Enjoy，你畀反應?嘛，做呢行男男女女都會向你示愛，可能被人追慣咗，應該搵啲高難度啲，我去追人，但我又未搵到一個好吸引嘅，水瓶座啲人系咁。」又指傳媒經常安排「新歡」給他，就算將來搵不到心目中的理想伴侶也覺得無所謂，因為他性格好自我及獨立，連他媽媽曾懷疑仔仔有「問題」：「一個人唔覺得唔好?，我阿媽細個時幫我問米，以為我撞鬼，我成日自己同自己講嘢，一個人玩，我系個習慣獨行嘅人。」

同關智斌感情好

問到跟多年密友關智斌（Kenny）的關係？他指外界誤會了，他謂和Kenny一直感情好好：「早排都見過，我哋仲系好Close，好Close、咁多年大家齊做新人，好難得搵到一個我講啲嘢，佢又聽得明嘅。（你哋好似疏遠咗？）因為佢發咗達？講笑啫，只系佢多咗返大陸，我哋耐唔耐都有通電話，喺香港都有見面，阿Sa（蔡卓妍）生日嗰晚，我哋都有一齊喺度。」

冇抗拒同性追求

至於問到敏感話題，軒仔亦大方回應，指如有同性追求，他稱暫時沒有抗拒感，因本身有很多男Fans，又覺得：「唔知系咪因為做藝術行業，其實做藝術嘅人，系冇性別觀念，我唔話佢哋就系異性戀，佢哋又點樣，愛就系愛。」可會為緋聞而不開心，軒仔再次坦言說：「自己嘅事自己知，但最大問題系，有時自已都唔清楚，我冇辦法講你知，啲人話我出身軍部，好有權勢，我同大家講，大家又唔信，余文樂仲話唔好得罪我，我阿媽會搵部坦克車嚟車人，好多傳聞，初時都要諗點答，但後來又覺得睇、寫，被寫嗰個都唔介意就算。」

喜歡這篇文章嗎？立刻分享出去讓更多人知道吧！