囡囡樣貌被公開城城嚴責：放過我！吳雨霏佗B六個月心情好

娛樂 03-22

今日快報

佗B六個月！吳雨霏曬肚嗌心情好

31歲嘅歌手吳雨霏（Kary）於2015年下嫁初戀情人洪立熙（Brian），上月Kary喺社交網宣布造人成功，認真恭喜曬！由於曾經小產嘅Kary唔想今次有任何差池，所以佢呢排亦停工休息。

日前，正安心養胎嘅Kary在IG曬出一張近照透露心情，佢留言：「心情好　甚麼都好#星期一不blue#goodvibesonly」相中Kary戴上黑超，仲著上黑色短袖卡通Tee大擺甫士，心情真系相當靚啵！雖然依家Kary佗B接近六個月，不過佢雙手仲系好幼，唔知系咪著呢件黑衫遮得好，個肚都唔算話好現形，粉絲見到都贊索咗兼有型！

【秘】胡杏兒發線向後移之謎

藝人胡杏兒做咗媽媽之後真系好忙，不過幾忙都好，都會下廚煮番兩味凼嚇老公李乘德開心嘅。日前，李乘德喺社交網上載咗太太為佢下廚整幾味嘅相片，見到胡杏兒就喺啲餸面前高舉手指公，搞到李乘德都話佢好招積。不過各位網友都將重點放咗喺胡杏兒個髮型度，因為佢戴咗個頭箍將啲頭髮ALL BACK向曬後，網友發現佢個發線位原來好後，話真系估唔到。

結果「胡杏兒發線」就成為咗網民熱烈討論話題。胡杏兒原來都有留意，終於忍唔住要喺社交網發文講番幾句，佢話「其實我的髮際線一直都這麼後，只是大家沒注意到而已，大家不用害怕，孩子照樣可以生。」

容祖兒嘟嘴自拍曬童真

樂壇天后容祖兒心情不錯在社交網上咗兩張自拍照，皮膚又白又滑的她拿起相機彎曬腰高抄自拍，難度雖高但亦無難倒她，展露出甜美笑容，期間又托頭嘟嘴展示其可愛一面，加埋件卡通圖案啲上衣真系童真返曬嚟，佢仲開心留言表示：「TODAY is the perfect day to reflect, reset and recharge for another great week（今天是完美的一天，可以反省，重置和充電，迎接下一個美好的星期。）」

曬餅印合照！鄺文珣同囡囡深情對望

身為兩子一女之母嘅鄺文珣（May）系圈中模範媽媽，當子女系小王子、小公主一樣，疼愛有加。轉眼間囡囡Chesney快6個月大，呢日May就喺社交網上載咗一張帶囡囡去公園嘅相，相中見到被媽媽孭住嘅Chesney仰後望住May，而May就低頭同囡囡深情對望，佢仲話：「We have our own language. （我哋有共同語言）」

而日前May都有曬同仔仔同囡囡嘅合照，佢指仔女就好似佢嘅珠寶一樣，網友都話好Sweet，感受到佢哋幾嘅溫馨！網友又大讚Chesney遺傳咗媽媽嘅優良基因，兩母女餅印一樣，其實仔仔個樣都好似媽媽呀！

囡囡樣貌被公開！城城堅嬲嚴責：放過我哋

天王郭富城（城城）到西九出席慈善繪畫活動，更去草地看小朋友畫畫。他認為活動很有意義，成為人父後特別希望做多些慈善活動，城城坦言想過帶女兒出席活動，不過女兒太細個，將來一定會帶。

問到可有為女兒唱歌跳舞？他笑說：「佢已經有我嘅基因。（教佢你嘅招牌手勢？）佢遲啲會做?喇。」提到早前女兒被周刊偷影，城城坦言嚴正希望傳媒不要再公開女兒的樣貌：「希望佢哋自律，喺娛樂圈我哋唇齒相依，但希望傳媒帶出嘅訊息系正面嘅，唔系影咗又唔保護小朋友，我覺得小朋友系要保護，尤其是咁細個，咁會影響佢成長，希望佢哋高抬貴手。」