仲未嬲完？王浩信搵胞弟劈酒訴苦吳千語甩拖遷出8千萬愛巢

娛樂 03-31

今日快報

【仲未嬲完？】王浩信搵胞弟劈酒訴苦陳自瑤賞桃花

王浩信同陳自瑤早前被指分居，又傳王浩信專註事業，忽略咗家庭，以致婚姻亮紅燈，更先後與蔡思貝、江嘉敏等傳緋聞，今日有周刊報道稱日前王浩信同胞弟王瑋彤(Tony)喺淺水灣一間酒吧飲嘢，王浩信一坐低，系咁同細佬講嘢，傾咗一陣先叫啲嘢食，二人仲嗌咗支四、五支啤酒，王浩信飲完嘢喺附近行咗半個鐘，再去拎車走人。

噚日姚子羚貼咗一啲喺橫店拍攝新劇《包青天再起風雲》嘅相，見陳自瑤開心睇桃花，今日陳自瑤喺微博貼出身在油菜花田嘅相，笑言「我和油菜花的約會」。

老婆陳自瑤呢排忙拍劇，難怪王浩信間唔中要做「湊女公」，早前喺IG貼出與囡囡王靖喬嘅相，據周刊報道指對於老公被傳連環偷情，陳自瑤仲未嬲完，至今都冇喺網上po同老公嘅恩愛合照，陳自瑤之前喺活動遇見江嘉敏，即刻面色一沉。睇怕要o凼番個老婆，王浩信真系要努力啲。

公主變凡人！吳千語甩拖遷出8千萬愛巢

藝人吳千語與林峯分手後，原來已靜悄悄搬離舊愛的8,000萬豪宅，「降呢」到鄰近昔日愛巢、位於堅尼地城月租約萬多元的屋苑。雖然千語被指撻著有米新歡，但過往有司機接載的她，現時出入以的士代步，生活今非昔比！而林峯昨日被問到會否介意與舊愛同台時，

他自言專業，絕不介意。

甩拖的吳千語已搬離與林峯昔日位於薄扶林的豪宅愛巢，經常不在港的她為免捱貴租，最近搬進月租約萬多元、位於堅尼地城的一個屋苑，雖然環境不及以前，但似乎住開薄扶林對附近都有感情，其新居亦鄰近昔日愛巢。

日前下午，戴黑超的千語獨自現身屋苑對面的油站等的士，打扮Casual，過往挽著的名牌手袋換上紙袋，平日行開名店的她，與昔日貴氣打扮明顯大不同，登上的士後更直駛至黃竹坑工廠區，落車後急急腳步入該處一幢商廈。

拍戲精神分裂　林峯接受挑戰唔講千語

藝人林峯晚上到中環出席品牌活動，見他雙眼通紅，他解釋是連夜拍戲所致：「我今朝由6點一直做嘢做到依家，又要開電影又要開劇。演緊嘅兩個角色都好大分別，個反差好大，依家開始都有少少精神分裂。」

如果再發展一段感情，是否不會再高調講愛？林峯大呼求饒：「真系唔講嘢，放過我喇。（吳千語話同你唔系朋友喎？）都已經交代過一次，就唔再講，講工作上嘅嘢我無任歡迎。（咁如果工作上遇到會唔會避？）作為專業演員，我希望可以喺工作上有啲挑戰，同埋畀到大家驚喜。（遇到千語都大挑戰？）我指角色上！」

夏威夷度假！凸肚鍾嘉欣上圍升Cup

藝人鍾嘉欣（Linda）月前宣布再佗第二胎，仲自爆喺1月1日已經知道有咗BB，依家專心安胎嘅佢已經減少幕前工作，最近仲同屋企人去咗夏威夷度假，今日佢就喺社交網上載兩張靚相，留言話：「Family trip to Kailua Beach,Hawaii.Sending lovelovelove"s to everyone:).（家庭旅行去夏威夷凱盧阿海灘。發送愛給大家）」

其中一張相見到著住低胸波點裙嘅Linda上圍明顯有睇頭咗，而腹部亦明顯隆起，但身形依然纖瘦、招牌瓜子臉亦喺度，面上仲掛住幸福嘅笑容。另一張相就見到佢踎喺地下同三個唔同Size、同樣寫有「LOVE」字樣嘅氣球合照，真系充滿愛呀！

順應民意加場！軒仔扮鄧梓峰勁爆笑

歌手張敬軒將於6月舉行紅館演唱會，日前公開賣飛即惹來搶飛潮，開賣十分鐘只剩單丁位，兩個鍾後更已售罄，一眾粉絲及網友都催軒仔加場，於是軒仔一於順應民意加場，花臣多多的他更為加場拍了條片，短片大玩二次創作多年前鄧梓峰（十郎）拍的郊遊宣傳短片，軒仔連拍攝角度及服飾都跟足原片，認真有心思。

為了似足十郎在廣告入面的造型，軒仔不但跟足髮型，又特地穿了件巴斯光年tee，一身造型難怪行山人士都認他不出！抵死的軒仔在廣告入面自稱「將莖牽」：「你敢認恨加場，我『將莖牽』實幫到。」廣告入面軒仔亦謂要打擊黃牛，搞笑的他謂：「一旦遇上黃牛掠水，就打L 7 kui。」他又大玩諧音：「你哋一個二個就『恨加場』，我就搏命唱！唱咪唱！Yeah！」而最驚喜的是片尾，真正的十郎粉墨登場，他睇完條片哈哈大笑：「咩廣告嚟?，仲有人用呢啲電話嘅！」廣告認真搞笑！

一眾粉絲睇完片後記得又再準備撲飛，加開場次將會是6月18日屬音樂平台的特別場，這場還有個驚喜，將會有一段獨家表演環節，會員可於4月12日起優先訂購門票。