陳法拉即將完成碩士學業，有望回歸TVB拍攝劇集？

近年TVB套套劇都系起用嗰幾位小生花旦，令人無限懷念以前百花齊放嘅局面，其中一位絕對系陳法拉。

法拉05年入行後拍劇機會不斷，好快升上一線之位，約滿後佢喺2014年隻身到紐約修讀四年戲劇碩士課程，不時趁放假返香港出活動拍廣告等。

佢法拉最近喺美國拍攝廣告時透露即將完成課程啦！咁咪好快可以再睇到佢演出？

3月初法拉快閃返港四日拍攝兩個廣告，返到美國一樣繼續喺課餘時間兼職搵外快，佢喺紐約拍攝廣告，先後到達Flatiron、Soho及Herald Square地鐵站等當地多個著名地標，法拉更碌盡友情咭借豪宅拍攝：「問好好嘅朋友借咗間靚屋俾我地，好現代又好有外國風格，去到朋友屋企我都嘩一聲，好多謝佢借間屋俾我地！」

除咗工作，法拉依家全心投入戲劇碩士課程畢業習作：「就嚟望到家鄉啦，最近籌備學校最後一個showcase，畢業班每個人演一段戲，4月會上演，畢業前最後一個作品，好快好快好快就嚟畢業啦。」

完成課程後，法拉話會會先休息一下，更希望有機會可暢遊南極，觀賞企鵝同色彩繽紛嘅極光。休息夠養精蓄銳就可以再次投入演藝工作啦，唔知回歸作會系劇集定電影呢？

喜歡這篇文章嗎？立刻分享出去讓更多人知道吧！