《刑事偵緝檔案》郭可盈當年真系好靚，無添加美女散發仙氣

娛樂 04-02

無線上周開始於深宵劇場時段回放1995年的劇集《刑事偵緝檔案》，此劇由陶大宇、郭可盈、梁榮忠、蘇玉華以及陳啟泰等主演，話曬套劇都已經是23年前的作品，他們在劇中個個都好後生，全部都是廿幾歲，而選美出身的郭可盈就非常搶鏡。

當時只有24歲的郭可盈雖然塊面仍有少少Baby fat，再加上她微微的國字面形，不過卻無損她的美貌，五官標緻的她青春無敵，完美演繹出咩叫好pure好true，無添加的靚樣絕對稱得上是仙氣美女。

現今幾乎每個女仔都追求V臉甚至V煞臉，但郭可盈略呈國字的臉型卻完勝千篇一律的V臉，反而顯得更加獨特和有個性，亦十分天然。

當年臉上有些肉地的她還添了幾分可愛，令她笑起來份外甜美動人。有網民仲話睇呢套劇都係為了睇下郭可盈有幾靚，每次見她出場都一定坐定定睇到實，又話就算她23年前個樣放在現代都一樣系咁靚，完全不會覺得有半點娘味。見到以前的郭可盈靚成咁，各位成日用盡方法變V面又或者P圖P到成只外星人的女生，不妨試下走自然風可能效果更佳。