《舌尖上的中國》睇過,《舌尖上的球鞋》了解下
GIF
《舌尖3》就經以完結啦
其中佢嘅製造質量同評價我都唔過多討論啦
因為我點講都係一個
講鞋佬!
既然要講食
就帶大家睇下嚟啲同食物有關嘅球鞋啦
Trolli x adidas
可能大家睇到Trolli哩間軟糖公司好似好陌生
其實佢係平時5毫紙就可以買到一個嘅麵包軟糖
而最近Trolli就同Adidas合作
整咗哩個集合好食新奇又好睇嘅套裝
其中包括有哈登自己嘅球鞋一盒球鞋軟糖
同一對一比一大細嘅球鞋軟糖
又抵食又可以著更加一舉兩得
但係只能夠以抽獎嘅形式抽取其中嘅幸運兒得到
霖霖平時抽鞋都成個非洲皇帝咁冇次中
GIF
↑(畢竟我都唔係哩位皇帝)↑
都係食翻粒漢堡軟糖冷靜下
LeBron James x Sprite "LeBron"s mix"
如果你覺得上面嘅糖都唔夠過癮
睇埋哩個汽水套裝
乜氣都順曬
2014年雪碧就已經同LBJ合作整咗哩個LeBron MIX嘅定製口味汽水
而2015年更加推出哩個汽水套裝
裡面包括有佢特別配色嘅波鞋三支定製口味嘅汽水同一隻Beats by Dre耳機
更加稀有到只有100個套裝
無論從買波鞋送耳機汽水
亦或係買耳機送汽水波鞋
更或係買汽水送耳機波鞋
我都一樣未試過
我最近係京東買嘅Beats耳機都係得個六期免息姐
LeBron James Fruity Pebbles
↑(LeBron James 4 「Fruity Pebbles」)↑
Fruity Pebbles係LBJ好中意嘅一種水果味早餐谷片
從4代嘅sample到宜家都係佢簽名鞋其中一個經典配色
稀有程度更加係大過上面嘅汽水套裝
4代都係LBJ簽名鞋裡面第一次使用foamposite發泡技術
所以後來都推出咗「糖果泡」哩延續經典
↑(Nike Little Posite Pro 「Fruity Pebbles」)↑
而最近LBJ都自己親自上腳咗15代嘅Fruity Pebbles
↑(LeBron James 15 「Fruity Pebbles」)↑
彩虹鞋面加水晶鞋底
有興趣嘅朋友就多啲留意佢哋動態啦
Nike KD 6
↑(Nike KD 6 「PBJ」)↑
一樣都係兒時嘅最愛
KD就選用咗自己細個中意嘅花生醬加果醬嚟做佢自己嘅個人配色
KD6嘅時候大多主打係KD兒時做背景出配色
下面就係以杜蘭特家鄉嘅美食「馬里蘭藍蟹」做配色嘅Nike KD 6「Blue Crab」
↑(Nike KD 6 "Blue Crab")↑
不過比較可惜嘅就係哩兩隻配色
從KD離開雷霆之後就冇咗下文
Air Jordan 6 「Gatorade」
↑(Air Jordan 6 「Gatorade」)↑
相信好多人都知道好多NBA球員比賽都會飲佳得樂作為佢哋補充水分同能量嘅飲料
唔係Pierce應該都唔會係專門帶桶佳得樂淋教練嘅
↑(一晃就10年過去)↑
不過今次嘅主角係之前出嘅兩對佳得樂配色嘅AJ6
都好難得一個主題配色出兩對
係圈錢亦或誠意真係見仁見智
↑(Air Jordan 6 NRD 「Gatorade」)↑
一對「原諒色」波鞋另一對就有啲似胭脂紅
中意邊對都可以任君選擇
不過最好當然係兩對買曬整個鴛鴦啦
↑(最大得益者!)↑
Nike Air Max 95
最後哩個同上面就唔同啦
要發揮一下各位嘅腦洞
最近Air Max系列紅透半邊天
而哩對即將發售嘅串標95最大嘅特徵就係佢條串標
而佢條串標亦都同士力架十分相似
↑(上個圖就即刻明了啦)↑
可能到時對鞋都唔知會畀人炒到值幾多條士力架
又或者你覺得佢唔似士力架、
又或者你買咗佢著咗真係橫掃飢餓活力無限
無論點好都
繼續關注我哋啦!
最後
中意嘅話可以幫我轉發一下
實在唔中意嘅都周圍轉發畀啲中意嘅人啦
GIF
多啲轉發維持我生計
所有素材源於網路
TAG:OoopsGZ |