馬浚偉回母校做分享，自爆當年有女仔等放學！

藝人馬浚偉以嘉賓身份到母校出席分享會，他表示上次回母校已經是十年八年前，一直有與師生保持聯絡，校方又希望將來有需要可以找他回來幫手：「同佢哋打羽毛球、交流嚇音樂同玩嚇遊戲，回饋自己母校。

（讀書時期系風頭躉？）不算，讀書時系男校，我都算乖，最多都系不交功課同埋整蠱Miss，然後老師就會罰我哋企。」

他表示每次罰企都要做一些奇怪動作，及需要面向隔籬學校：「對面系有女仔，要做低B動作，畀人見到好瘀，之後就會驚。」

收過女仔嘅電話

馬浚偉憶述當年出名斯文，放學時都會有隔籬學校的女生等放學，問他是否校草？他笑言：「我諗屬於半條，我都唔系咁叻、文武全才，自己系文青型。（有冇發展？）冇，但收過張卡寫低咗名同屋企電話，話想做朋友，呢件事都幾自豪。

（有冇因咁而拍拖？）冇同佢哋拍，嗰時系同小學同學拍，特別男校有女仔等放學系好大件事，會畀師兄弟圍住望，成績唔風頭躉唔緊要，冇人等放學你真系唔得。」

喜歡這篇文章嗎？立刻分享出去讓更多人知道吧！