楊冪陷「詐捐門」事件劉愷威留言力撐黃宗澤半裸被網民惡搞！

娛樂 04-16

今日快報

半裸被網民惡搞！黃宗澤變瑪麗蓮夢露

邵氏網劇《飛虎之潛行極戰》日前終於喺myTV SUPER正式播出，當中有份主演嘅藝人黃宗澤（Bosco）喺劇中就飾演飛虎隊成員，所以Bosco喺入面不時都會上演曬肌情節，一班絲打睇見Bosco結實嘅胸肌，都實時變曬心心眼！

睇見Bosco曬肌，固然就系賞心悅目喇！不過Bosco嘅粉絲，就似乎驚自己偶像冷親，所以就特登幫佢著番件衫。不過唔系幫Bosco真人著衫，只系幫佢嘅截圖加番件衫。Bosco今日喺社交網上載咗多張佢喺《飛》曬肌嘅截圖，除咗有原圖之外，仲有唔少嘅惡搞圖，當中包括著番條藍色裙扮女仔，又有著土著裝扮土人。另外，仲有key咗條白色裙加金色假髮，成個Look十足瑪麗蓮夢露嘅經典造型。

睇見大家咁有創意，難怪Bosco都留言：「笑咗流眼水！」唔少網民都話笑爆嘴，仲話Bosco嘅女裝造型真系好難頂呀！

《星夢》鄭世豪信用卡被盜用　慘被過帳13次

曾參加無線歌唱節目《星夢傳奇》嘅歌手鄭世豪凌晨喺社交網上載一張黑底白字嘅圖片，留言透露自己信用卡畀人盜用，字裡行間充滿無奈：「各位~請馬上Check清楚你地（哋）啲信用卡有無被人盜用過數，剛剛零晨1點一刻間，我卡發生了13次已過賬（帳）紀錄。」網民即刻留言話成件事好恐怖，仲叫鄭世豪快啲報警備案！

事後鄭世豪接受電話訪問，佢話已經打咗畀銀行Cut卡，銀行透露佢嗰13次已過帳紀錄總數約二千幾蚊，但詳細嘅過帳紀錄就要一星期後自先有結果。佢又話銀行唔建議佢報警住，等埋結果先。不過鄭世豪張卡就冇唔見，莫非佢張卡系畀人hack咗？

其實鄭世豪嘅演藝路都好唔平坦，佢系2001年第17期無線電視藝員訓練班，參演過唔少電視劇演出，但始終未能彈起。直至2013年，佢喺《星夢傳奇》勇奪第二名，同年11月正式加盟「星夢娛樂」成為歌手，人氣亦隨之上升，可惜之後因為未有推出歌曲而約滿離開。2016年，鄭世豪自資推出歌曲，5月發表第一首派台歌《伴隨》，同年9月「星娛樂」唱片公司力邀佢加盟，佢推出第二首派台歌《仍堅持》，最後喺多個頒獎典禮中奪得新人獎同歌曲獎項。

楊冪陷「詐捐門」事件　劉愷威留言力撐

內地女星楊冪早前被捲入捐贈風波，其工作室已作出回應並已立即處理捐贈事宜，並不時公開捐贈進度。昨日楊冪老公劉愷威都有喺社交網留言支持太太：「小冪、公司的同事們、我們每一個人一直都真心的希望能夠幫到需要幫助的人，失誤的地方需要改正，需要吸取教訓，但也希望大家了解真相，不要讓善心被無端利用。」

豈料近日該「中間人」接受媒體訪問，但內容卻被「嘉行楊冪工作室」發文指相關內容嚴重失實，表示「侵犯嘉行影視公司及旗下藝人楊冪女士的合法權利，我律師事務所根據嘉行影視公司及楊冪女士的委託，特發此律師函，同時已對所有侵權證據進行了收集和保全，並會立即通過法律途徑追究侵權主體的法律責任！」

自爆俄羅斯拍攝艷遇　陳瀅恨搵外國人拍拖

「宅男女神」陳瀅（Jeannie）出席義大利時尚品牌iBLUES新品發布會，她指最近去了俄羅斯拍攝TVB的旅遊節目，直至上星期才回到香港，途中有艷遇經歷。她表示拍攝當日搭坐完雪上電單車返回酒店，期間該司機更直接送她到自己所在的獨立屋。她說：「當時我唔想落佢面，所以冇拒絕到佢嘅要求。之後佢又問我系咪嚟追北極光，我話喺呀。我有問佢叫咩名，佢話叫羅密歐，跟住佢問我可唔可以做佢嘅茱麗葉，嗰一刻搞到我面都紅曬。（你哋有冇交換電話？）冇呀，不過佢真喺好靚仔，我好開心有人追，畀人撩。（之後你哋有冇相遇？）冇啊，我諗可能佢只系負責嗰日節目完咗車我哋，證明我緣份未到。」

問她何猷亨是否知道這件事？好笑言：「咁我依家咪話畀大家知囉。（你有冇試過異地戀？）有呀，不過我覺得異地戀其實都幾花時間同埋辛苦大家。（你想同外國人異地戀？）未試過，所以我想試嚇外國人。」

就快結婚周年！城城率先送驚喜畀方媛

仲有五日就系天王郭富城同方媛嘅結婚周年，方媛早前講過話不設防全力追仔為郭家繼後香燈，咁識做難怪城城錫到佢燶，提早喺結婚周年前送驚喜畀老婆。方媛尋日就喺社交網上載一張攬住一大扎玫瑰花嘅相，然後留言話：「Surprise～吃飯居然收到了這麼美麗的花，謝謝我們的CEO，我最愛的粉色。」方媛雖然冇講明「CEO」系邊個，但網民都估系城城送嘅，認真sweet！

有眼利網友就話方媛捧花相打扮同佢兩日前貼嘅照片髮型一樣，估計扎花應該系同日送。