澳門有個永不維修的爛花園！

下環街—體驗澳門市井生活

下環街，葡文名「Rua da Praia do Manduco」（意譯為蝦蟆灣街），相信大家都唔陌生，但系點解叫「下」、「環」同埋點解有「蝦蟆」，等小編講比你知啦~~~~~~~

「下環街」，地道澳門人講起呢個名詞，往往唔系指一條街道，而系指一個居民區。風順堂區反而被遺忘~~~

喺明清政府的角度，以至澳門半島喺地圖南北方向嚟講，媽閣一帶喺地圖下方，所以「下」，便不言而喻，「環」即系灣的意思。

咁「蝦蟆」喺邊？相傳下環海邊有一塊奇石，可以預測風雲，每遇天氣變化、潮汐起落，蝦蟆石必發出蝦蟆鳴叫的「閣閣」聲，非常奇特。不過，蝦蟆石喺開闢下環街果陣被埋咗，依家只見街名而不見蝦蟆石啦。

爛花園

街道有一條稱做「鹽里」（爛花園）的分支道路，當時荷蘭東印度公司購入土地，起咗座大型花園。園入邊種植奇花異卉，又飼養雀鳥猴子，氣派非凡，但後來俾澳葡政府廉價買入，部份地方做咗鹽倉、煤倉等建築，當時部份花園殘件仍舊存在，所以街坊戲稱呢度做「爛花園」~~

1954年8月，澳葡政府喺「爛花園」部份土地起街市，原址再喺2006年重建成今日所見的嶄新綜合大樓，成為最為人熟知嘅下環街地標。

下環街以街坊居住、生活為主體，街坊過客，熙熙攘攘。這裡街坊為「開門七件事」奔忙，臨街小販跟街坊們輕聲交談，街市2樓系熟食中心，美食多不勝數，包括有兩款古老而美味食物—「冷糕」同「紅豆餅」，系體驗澳門市井生活以至美食之都的好去處。

來源：澳門新聞局

喜歡這篇文章嗎？立刻分享出去讓更多人知道吧！