第一季完結 邊位TVB劇集男女主角最好戲?
第一季完結 邊位無線劇集男女主角最好戲?
本文轉自網路 不代表本號觀點
2018年眨下眼已經過咗第一季,等我地重溫下第一季無線劇集男女主角嘅演技啦!
《平安谷之詭谷傳說》劉江
劉江老師演技精湛不容置疑,劇中身為村長嘅佢充滿威嚴及霸氣,極大男人主義,唔當女人系一回事,成日對妻子狂打狂鬧,網民睇到眼火爆。
《三個女人一個「因」》袁偉豪
袁偉豪喺劇中飾演利東佳,經常被黃智雯掌摑更被佢抓傷胸肌,有時黃智雯會不時突變狂野和暴戾出手打袁偉豪,對方除了挨摑,仲會被掌摑。
《果欄中的江湖大嫂》黃浩然
劇集以油麻地果欄為背景,喺果欄長中嘅黃浩然經常以雞翼袖騷出麒麟臂,講野時又大大聲聲,十足十果欄搬運工人。雖然今次系黃浩然同香香第一次合作,不過佢哋喺劇中都幾有火花。
《波士早晨》黃智賢
黃智賢一向好戲,今次佢喺劇中同李子雄與洪永城為爭做CEO,大玩辦公室政治,為搏上位不惜明爭暗鬥。黃智賢賤嘴口臭,同前妻陳慧珊火星撞地球。
《翻生武林》蕭正楠
《翻生武林》故事輕鬆有趣,雖然「膠味」甚濃,不過劇中飾演玉雲龍嘅蕭正楠發揮喜劇細胞,喺戲中大放笑彈,同佢平時嘅感覺完全唔同。
《平安谷之詭谷傳說》蘇玉華
《平安谷之詭谷傳說》系蘇玉華離開無線前嘅最後一部作品,劇中佢飾演劉江二太太,表面風光,實際上經常被劉江虐打及拳打腳踢,最後佢率領村內女性團結起來對抗男人。蘇玉華完全表現到為咗個女要忍氣吞聲,受盡劉江壓迫。唔少網民都大讚佢好戲。
《三個女人一個「因」》黃智雯
黃智雯因童年創傷記憶而導致三重人格,一時系女強人大律師,一時癲喪狂野女Pina,一時系天真可憐宅女愁擘擘。一人飾演三角演技不庸置疑,很多網民都話佢演技大爆發,有望年尾爭視後。
《果欄中的江湖大嫂》陳煒
陳煒喺劇中飾演李夢露一角,本來系過氣明星仔發現老公有外遇後回港生活,接成為果欄欄主兼女強人。劇中陳煒十分堅強,自強不息,而且保養得宜,增添成熟女性氣息。
《波士早晨》李佳芯
劇中李佳芯飾演洪永城秘書Roxie,收兵女神秘書,樣靚身材正,為人拜金勢利,為錢甘願做小三。李佳芯完全飾演到勢利港女、恃靚行兇,唔少網民話呢套劇凈系睇Ali已經足夠。
《翻生武林》陳凱琳
劇中陳凱琳飾演仇在心,本來被異父仇不群調教成鐵面無情,粗聲大氣,硬橋硬馬。後來同蕭正楠一齊左後穿回女裝,十分女性化, 非常討好。唔少網民話佢今次進步咗唔少,冇之前咁浮誇同埋把聲冇咁煩厭。
---------------------------------
TAG:港劇吧 |