陳凱琳在橫店中暑！贊鄭嘉穎100分好老公

藝人陳凱琳（Grace）到中環出席品牌活動，罕有谷胸穿弔帶裙現身曬性感，由於容光煥發不似剛從橫店拍完新劇《包青天再起風雲》返港，Grace笑說：「我上星期返，但喺當地輕微中暑，好彩媽咪陪我去，照顧我，當時又嘔肚又唔舒服，去拍十日但第二日就病，好怕影響拍攝，痛到邊拍邊流眼淚，媽咪都肉赤。」

爹哋同嘉穎關係好好

問男友鄭嘉穎同樣肉赤？Grace甜笑說：「佢有whatsapp我，但我返酒店瞓冇覆，媽咪有拎我電話同佢講咩事，因為當日系林子善婚禮，我都怕佢擔心，所以凌晨send短訊畀佢，估唔到佢仲未瞓，話我未報平安佢都瞓唔著，估唔到令咁多人擔心。（加分？）佢真系好Sweet。（100分老公？）梗系100分啦！」

日前，Grace與即將結婚的江若琳同場密密斟，被指是向好友取經。Grace笑言：「我都系關心佢婚禮，佢話最緊要搵一個好朋友幫手，不過我都未有計劃，所以都冇追問，我屋企人有個群組，見到新聞都以為我結婚唔講！（林子善話有兄弟就嚟食糊！）系咪馬國明呀？推個波畀人先！我依家都系專心拍劇、調理好身體。（家人冇壓力？）冇，好開心爹哋同嘉穎關係好好。」

喜歡這篇文章嗎？立刻分享出去讓更多人知道吧！