抽血驗大便 劉佩玥留住院手帶警惕自己

劉佩玥（Moon）孖好姊妹陳瀅出席活動時遲大到，劉佩玥表示自己很乖準時，但因陳瀅爆裙，她要等待對方才遲了現身。Moon早前入院，她稱收到很多朋友問候，大為感動，她說：「我自己都好驚，未試過個胃痛到好似扭毛巾咁，所以入院，醫生擔心我要做手術，所以留院觀察，證實系胃嘅淋巴發炎，我本有工作，我入院前都問咗個客，對方好好將個拍攝改期，我先放心入院。」

Moon稱初時也不敢告訴母親，安頓好才通知對方，她在醫院住了一晚，吊鹽水又檢查了血液及大便：「我咁大個人都未試過為健康咁著緊，我當呢個系小病，我都有留低住院嗰條手帶，當系提醒自己要珍惜健康，有病要睇醫生，唔好拖。其實我入院前屙咗一星期，但因為日日有工作，而且諗住會慢慢好，所以冇理。（緋聞男友周志文有冇探你？）冇，不過佢有傳短訊慰問我，我住咗一晚醫院，得爸爸媽媽同幾個好熟嘅朋友嚟探我。」

另外，之前Moon專登捧周志文場，看對方打籃球，被指做跟得女友，她坦言：「當日有好多其他朋友落場，而且我好鍾意睇籃球，只系大家對我同佢比較敏感，會特別關注。」

喜歡這篇文章嗎？立刻分享出去讓更多人知道吧！