孖黃翠如外遊玩秘婚？ 蕭正楠：不再回應喇！多謝關心！

早已公開認愛嘅蕭正楠同黃翠如，雖然各有各忙，但系佢哋似乎都相當珍惜一齊嘅時間，不時出雙入對。

有爆料話喺機場見蕭正楠同黃翠如一齊現身，企喺行李帶度等攞行李，兩人都系一身便裝，著白T恤、長褲、戴cap帽嘅蕭正楠孭住背囊，而翠如BB打扮差唔多，不過就戴埋口罩，頭耷耷咁，似乎怕被人認到。

據爆料人話：「我首先見到蕭正楠一個，剛剛喺入境櫃檯，之後見到黃翠如喺攞行李位置等佢，男嘅有講有笑，但女就全程耷低頭。到攞行李位置等咗15分鐘，男嘅攞咗行李喺附近B出口離開，女嘅就去比較遠嘅A出口離開。」

根據爆料人提供嘅短片，見到蕭正楠盡曬男士風度，推行李車、攞行李等粗重功夫都系佢做，而佢哋兩個雖然已經系公開嘅情侶，但系未見兩人有拖手等親密動作，企得最埋嗰一刻，都只系等行李時，蕭正楠同翠如BB並肩企。謝小姐仲話，翠如BB冇乜表情，而蕭正楠警戒心好強，不時周圍望。

見佢哋等嗰條行李輸送帶，系運送由美國紐約或吉隆坡返港航班嘅行李，唔知翠如BB佢哋去完邊度玩呢？唔通系夾啱時間，出走秘密註冊？蕭正楠同黃翠如分別回覆傳媒，蕭正楠話：「結婚嘅傳聞已經回應得太多了，不再回應喇！多謝關心！」翠如BB就話：「唔再講呢個話題喇，講得太多次。」

?轉載授權微信：lama129

? 商務QQ：3004269083

長按識別二維碼關注

喜歡這篇文章嗎？立刻分享出去讓更多人知道吧！