奮戰8年終成功！44歲利嘉兒佗B四個月！前夫送祝福！

曾經主持《笑談普通話》嘅44歲利嘉兒(Lily)，當年同DJ周國豐離婚之後，淡出娛樂圈一段日子，直到2014年復出，為DBC數碼台做主持，佢自爆2010年已經再婚，丈夫系生意人，婚後生活過得好好！

結婚8年嘅利嘉兒，今日喺fb公布即將榮升做媽媽，佢貼咗新相兼留言話：「踏入結婚八周年，我和老公收到了上帝很大的恩典~我們即將成為父母了！感謝身邊的家人、朋友及傳媒朋友一直以來的鼓勵及祝福，我們以感恩的心及滿滿的愛期待著秋天BB的來臨。」

Lily接受訪問話：「我已經懷孕4個月，全家人都非常開心，老公好緊張呀，成日陪住我身邊，BB嘅性別要等遲啲照結構先可以確定，不過仔女同都冇所謂，我哋一樣都咁鍾意。」佢仲話：「呢張相老公親自操刀，嗰陣我哋去咗韓國旅行，我覺得影得好靚，所以揀咗呢張相post出嚟。」

前夫周國豐知道利嘉兒有喜，佢話：「當然恭喜他們喇！」

今次甘冒做高齡產婦之險的利嘉兒，早前出席活動時曾受訪表示後生時唔鍾意小朋友，因為覺得好冇自由，所以養狗仔唔生人仔，後來當年紀唔細先恨生B，今次利嘉兒終於如願如償，恭喜恭喜！

?轉載授權微信：lama129

? 商務QQ：3004269083

長按識別二維碼關注

喜歡這篇文章嗎？立刻分享出去讓更多人知道吧！