執鄭俊弘二攤？陳家樂：呢行成日都系咁

最新 04-26

執鄭俊弘二攤？陳家樂：呢行成日都系咁

藝人陳家樂上電台宣傳無線熱播劇《逆緣》，對於《逆》深受觀眾歡迎，他謙虛指非常開心，又自爆拍畢劇集後成日都想法負面，更一度擔心劇集會變「倉底貨」：「又驚自己做得唔好，會播播嚇腰斬，因為覺得今次做嘅角色好冒險，用咗喜劇方式去演繹，都怕出到嚟會畀人話浮誇，所以都同監製傾咗好耐，好彩出到嚟大家鐘意，就好似打勝仗咁。」

冧爆指女友重要

有傳《逆》主角的第一順位本應是鄭俊弘（Fred）飾演，但因為Fred「玩失蹤」，成功讓陳家樂執二攤出演，不禁令外界將兩位比較。家樂聞言即話唔好比較，又指對事件毫不知情：「即使真系有咁嘅事都冇所謂，呢行成日都系咁，我都好肯定《幸運是我》都唔系第一個搵我去做，做好本分就得。」問到有否同女友余香凝慶祝好收視？陳家樂怕醜話有一齊看過《逆》，亦冧爆話：「佢都系一個對我幾重要、畀意見我嘅人。」

孖影帝拍微電影

此外，陳家樂透露現時與兩位影帝劉青雲、張家輝拍攝微電影，更即時Fans上身、表示好欣賞劉青雲，得到好多啟發：「戲入面講好多專業名詞，明明好正經、單調，但佢講出口好挑釁，同我斗戲咁，自己又會留低片場睇佢表演。」

陳家樂上電台宣傳無線熱播劇。