容祖兒凌晨喊話劉浩龍廖碧兒「被小三」？?方力申自認系「外貌協會」！

娛樂 04-30

今日快報

容祖兒凌晨貼文講劉浩龍：感情不變最重要你快樂所以我快樂

劉浩龍尋晚就啱啱開完演唱會，作為前度嘅容祖兒不避嫌撐場，睇足全場之餘亦非常投入，從祖兒嘅態度嚟睇，唔少人都會懷疑佢哋藕斷絲蓮！祖兒凌晨喺社交網就發咗張劉浩龍赤裸上身嘅黑白照，除咗睇到劉浩龍好大隻一身肌肉之外，唔通祖兒系想借呢張相宣布佢哋未分手？

睇埋祖兒嘅發文，附圖系一張劉浩龍半裸照——喺後台準備出場。原來佢系解構番佢哋嘅感情路同埋依家嘅關係，祖兒話系緣分令到佢哋聚埋一齊，兩個人互相影響、支持同學習，雖然劉浩龍個樣有啲招積，但系個人好真心同忠誠，不過人大咗明白感情有不同嘅層次，最緊要系感情不變，仲話「你快樂所以我快樂」。

文中仲有幫劉浩龍喺演出時失准講番句好說話，表示人總不能完美，知道佢已經盡咗力，偶有失手希望大家高抬貴手，仲贊劉浩龍系值得更多掌聲嘅。

廖碧兒曾稱男友單身 Calvin被指仍未與泰籍女分手

39歲廖碧兒（Bernice）3月被曝與男友盧啟賢（Calvin）蜜游芬蘭，當時有報道指Calvin認識廖碧兒嘅時候，身邊已經有一個泰籍女友Nina，不過Bernice出席活動承認新戀情之餘，亦否認自己系第三者，仲話男友系單身。

今有爆料指，Calvin與Nina拍咗拖7年，雙方從未分手，身邊朋友亦形容廖碧兒系第三者，爆料人表示：「Nina一直都系正印，佢同Calvin感情好好，Calvin亦啱啱先陪Nina去完泰國，佢哋兩家人都好close，所以唔明點解廖碧兒會講自己系Calvin女朋友。」

爆料人又稱Nina有向Calvin了解：「唔知Calvin講咗乜啦，Nina都信佢。」爆料人又話：「Nina系泰國華僑，佢屋企好低調，但為咗呢單新聞，屋企人都覺得好煩，Calvin都唔想好似俾人起曬家底咁。」雙方家庭對近日嘅感情新聞感到煩惱，怕令Calvin形象轉差，黃小姐又指日前蘭桂坊party的相片，都系Calvin嘅同事。

爆料人亦透露身邊有朋友見過廖碧兒，不過Calvin同佢只可以話系close嘅朋友：「唔會無端端問人知唔知Calvin有女朋友，但咁多新聞出咗，佢點會唔知？總之一班朋友都系想幫Calvin同Nina，唔想佢哋生活受影響，又成日俾人跟。」

Cheronna＠SG單飛背後暗藏「陰謀」！

組合Super Girls成員Cheronna最近推出首支個人跳唱單曲《把持》，成為五女中首個在音樂上單飛的成員，問到其他隊員知道她單飛有何反應？她笑言：「佢哋都期待，最期待系想睇我同男dancer點樣跳啫。」問到她們會否眼紅她可以自己出歌？她坦言：「我覺得唔會嘅，因為佢哋有各自各想做嘅嘢，佢哋都有機會去做，只系我揀咗唱歌，相信如果佢哋都想喺唱歌方面嘅話一定得。（依家你哋個個都有個人發展，驚唔驚畀外界覺得逐步似分開發展？）我唔會擔心我哋個group會分開發展，因為我好清楚我哋最根嘅都系SG，出面嘅觀眾有機會睇到我哋各自各唔同方面發展，唔同領域可以見到我哋做到嘅嘢系一件好事，而我哋聚集一齊又系一股力量。」而問到一個人唱曬整首歌可會有壓力？她笑言：「我系好驚呀！我真系好擔心，以前跳舞有佢哋4個傍住系好好多，好記得之前我一個人做騷，冇咗啲姊妹我好緊張，所以我覺得今次系考驗同挑戰，不過有個好處就系我甩step（舞步）冇人知，哈哈。」

自認系「外貌協會」！方力申揀女唔理有冇錢

藝人方力申（小方）出席慈善晚宴，表示會唱一首歌，而父母亦有到場，但細佬因工作忙而未能到場。他謂父母坐近台前：「所以唱歌時最近系對住佢哋，我都好耐冇唱歌，今次唱番都幾特別，以前會多啲商演，但近年就少啲。」他亦謂現時多參與慈善活動，希望可以來取經，笑言：「想識多啲總理、有錢人。（想識番個有錢女？）冇諗，我系『外貌協會』，同埋唔會睇對方嘅背景。」

小方又表示5月份會開游泳學校，榮升校長：「呢個系我入行以來第一個生意，希望可以反饋社會，唔系諗住賺大錢，因為身邊成日好多人叫我介紹人教小朋友游水，與其畀人賺錢不如自己賺，又可以推廣游水，培育精英，幫下啲低收入家庭，同埋做老闆收錢好唔型。」不過他利申自己只是在旁的臨時教練：「學游水要持之以恆，如果我要拍戲就好難教得識，但我都有去考嗰初級教練牌。」方力申講笑話之後希望可以被叫「方校長」：「其實爸爸、媽媽都系做老師，可能全家都有做老師嘅DNA。」

冇得同男友纏綿！雷莊??露小蠻腰引仔??

應屆港姐雷庄兒（Juliette）早前獲牙醫男友由加拿大來港探望，兩人當街攬啜後更返酒店溫馨，但男友離港後Juliette明顯冇曬心機，日前她獨自現身北角寓所附近，擁有34.5C逼爆身材的她當日密冚巨咪，反而穿上露臍上衣大曬纖腰，沿途更吸引不少男士的目光。見她於附近食肆醫肚後便步行返回寓所，沿途還低頭族上身，頻頻撳電話，似乎是與男友電話傳情解相思之苦。