吳千語否認失寵：無可能凈系搵我拍李璨琛醉駕判刑翁靜晶質疑劉嘉玲報細年齡

娛樂 04-30

今日快報

傳黃百鳴捧鄧麗欣吳千語否認失寵：無可能凈系搵我拍

香港女演員青黃不接，日前就有傳電影公司老闆黃百鳴將力捧近期終於憑《空手道》吐氣揚眉的鄧麗欣，換言之，同公司的吳千語將面臨失勢。對於有關的傳聞，呢日吳千語出席化妝品牌活動時，表示都系最近才聽到，但就感覺不大。「佢系一個好努力的演員，亦都知佢拍了一部很好的作品。其實每個月都有戲開，無可能凈系搵我，自己都想電影圈百花齊放。」吳千語表示認識老闆黃百鳴多年，大家關係如同家人，故大家既有默契且互相信任，所以並不會因此傳聞而跟對方有什麼誤會。

影星雷震本月28日紅磡世界殯儀館設靈

有「憂鬱小生」之稱的五、六十年代紅星雷震，曾演齣電影《古惑仔2之猛龍過江》而深入民心，於本月初離世，享年85歲。

今日有消息透露雷震喪禮詳情，將於本月28日假紅磡世界殯儀館設靈，翌日出殯，遺體將送往和合石火葬場進行火化。

李璨琛醉駕判120小時社服令停牌12個月

藝人李璨琛就早前涉醉駕一案於今日上庭，被裁判官判罰120小時社會服務令及停牌12個月，於停牌過後需自費上駕駛改進課程！

現年42歲的李璨琛（Sam）於今年2月20日駕駛私家車沿太子道東行駛期間，至警方路障時遭警員截停。Sam接受俗稱「吹波仔」的酒精呼氣測試，得出度數達58度，較法定上限的22度高出近2倍，涉嫌酒後駕駛被捕帶返警署。案件於4月11 日提堂，Sam承認控罪，案件押後至今日判刑。

52歲劉嘉玲笑回：我讀藝訓班佢已經拍緊《荳芽夢》

「翁靜晶12歲時，嘉玲是18歲。靜晶53歲時，嘉玲是52歲。試找出嘉玲年齡增長的方程式。」劉先生喺大埔Group出題。識唔識計？

呢個問題，其實系翁靜晶問起先：「嘉玲明明大我幾歲，今天竟然比我細了一歲，咁奇怪都有？」又真系奇怪嘅。

翁靜晶喺fb仲話，自己12歲嗰年，喺劉芳剛導演家中見過嘉玲，當時嘉玲已經系大人。

翁靜晶報稱今年53歲，劉嘉玲報稱52歲。

花生友睇完翁靜晶個post之後，齊齊估究竟劉嘉玲「應該」幾多歲。有人估系59，有人話系58。

昨晚劉嘉玲

對於翁靜晶質疑佢報細歲數一事，嘉玲笑笑口解說：「其實我唔知根據咩資料話我報細咗，我印象中佢系一個好叻女仔，佢應該有曬資料。佢系律師嚟，唔應該睇錯呢啲嘢，如果我系58歲，我媽15歲應該生唔到我，我系1965年12月8日生日，翁靜晶系唔系應該大我一歲？」

翁靜晶透露12歲時喺劉芳剛導演屋企見過嘉玲，嘉玲當時已經系大人，對此嘉玲就再笑言：「我唔知邊個報錯年紀，不過我喺劉芳剛老師時候系17歲，我系80年嚟香港，82年考藝訓班。」

對於網民贊佢越來越可愛，佢就話自己保持一份童真，尤其懷抱大自然的時候。問到會否同翁靜晶對質，嘉玲就表示唔使：「呢啲我冇報細，我媽咪系1944年，上網一撳就知冇我呃，我o依家好健康，好開心，慢慢老，我唔驚老，會更加註重健康。

「我會變成一個滿頭白髮，好多皺紋老太婆，我同佢唔熟，佢早我少少拍戲，我讀藝訓班佢已經好紅，拍緊《荳芽夢》。我啲記性麻麻地，不過生日就記得，可能我keep得比佢想像中後生，覺得自己賺咗6、7年。」

突然宣布佗B！蔡冕麗興奮曬肚凸照

前電台DJ Mini（蔡冕麗）現時向跨媒體方面發展，今日佢突然喺社交網報喜，宣布造人成功！Mini仲上載咗一張大肚照，著露腰裝嘅佢明顯肚凸凸，但面部冇浮腫，精神唔錯，佢興奮地留言話：「By the grace of God，I"m pregnant！We are going to have a new family member！Praise the Lord！（感謝主，我懷孕了！我哋將會有一個新成員加入！）」而圈中好友蔡卓妍同衛詩得知好消息後、紛紛留言祝賀Mini，真系恭喜曬！