橫店外景煞科 胡定欣想燒炮仗慶祝

橫店外景煞科　胡定欣想燒炮仗慶祝

藝人胡定欣同傅嘉莉等人早前就去咗橫店拍攝無線劇集《包青天再起風雲》，定欣都不時喺網上分享拍攝點滴。呢日定欣就喺社交網上載咗張台前幕後大合照，大家仲好開心咁舉起V字手勢，原來喺橫店站嘅拍攝終於完成，佢仲好開心咁話：「真系要燒炮仗賀一賀佢！包青天之再起風雲 #橫店外景 #辛苦曬」

而傅嘉莉亦都喺網上曬出同姚子羚定欣等跳起合照，仲話自己嘅戲份已經殺青：「我湯曉晨全劇完喇！心裡萬般感受，感謝台前幕後每一位努力付出，《包青天之再起風雲》必定在電視界掀起風雲！」相信佢哋今次合作得好開心，網民都話始終相處咗一段時間一定會不舍，仲話希望快啲睇到呢套劇呀！

趁喺大陸就快啲燒炮仗喇。

真系開心到要跳起Yeah～

台前幕後辛苦曬！

胡定欣（左四）仲話要燒炮仗賀一賀佢添。

傅嘉莉（右二）都話心裡有萬般感受。

---------------------------------

喜歡這篇文章嗎？立刻分享出去讓更多人知道吧！