馬國明偷咀契妹唐詩詠夏文汐自覺同黎諾懿姊弟戀好Match 城城私隱外泄

娛樂 05-04

今日快報

趁黃心穎外游　馬國明偷咀契妹唐詩詠

藝人馬國明與郭晉安為無線新劇《白色強人》拍攝外景，二人大熱天時分別穿上整套西裝及皮褸，頻呼好熱！

馬國明透露最近都在拍攝手術室戲，直言覺得複雜，指五月中就會到深圳拍外景，他更自爆日前與契妹、劇中女友唐詩詠拍咀戲，他即被笑指趁正印女友黃心穎去旅行才拍親熱戲，他說：「又唔系我排嘅。（同心穎備案？）做嘢唔使同佢交代啦！」馬國明指詩詠是雖然是他的契妹，但拍攝時並沒有尷尬，更指二人合作多次，今次是第二次咀對方！談到心穎在社交網站上載一張穿比堅尼的背影照，馬國明說：「冇睇呀！（有傳正面照畀你？）唔知喎！睇嚇手機先，拍緊嘢未得閑！」

郭晉安相隔多年再度與馬國明合作，大讚對方變得成熟。問到拍劇會否少時間陪伴仔女？他透露仔女曾試過返內地探班：「之前拍《再創世紀》有上嚟大陸探班，個仔就贊啲外景飯盒好食，個女就贊我拍劇造型好靚仔！」更透露暑假會與太太歐倩怡帶小朋友去旅行。

曾患乳癌！林淑敏希望活到80歲

林淑敏出席「維特健靈」母親節活動，曾患乳癌的她現已康復，她表示：「過咗7年喇，依家保持每年驗身一次，我本身又有跑步，願望系活到80歲。（老公陪你跑？）佢話跑10分鐘見暈、半個鐘見嘔呀！」談到這個品牌先後邀得影后及視後擔任代言人，林淑敏坦言：「咁我全冇壓力嘅，唔會以得獎為目標，我只系享受演戲嘅過程，不覺我覺得毛舜筠好勁，系個好好嘅學習對象。」

經歷「爺孫戀」！何傲兒恨拍拖首選圈外人

藝人何傲兒（Lily）近年強攻內地北上掘金，去年離港多月拍攝大陸電影及劇集，並與內地人氣花旦唐嫣合作，成績蜚然。她稱今次劇集最難得是可以用回自己的國語原音，不用配音，她笑言﹕「見導演嘅時候我同佢講我會練好普通話，佢叫我唔好練，佢就系鍾意我有廣東人嘅口音，大家聽完都笑咗。我一直有學國語，但要真系喺當地生活先可以學到當地潮語同日常用語，我一般聽系冇問題，但我聽唔明是非，因為佢哋講得太快喇！」事業發展不俗的Lily，快將踏入30歲關口，她坦言現時女藝人都流行晚婚及遲生小朋友，所以對婚姻大事並不焦急，反而想趁這段時間在事業上衝刺﹕「我今年畀自己一個目標，希望可以拍到一部古裝劇就好。」

Lily自認在溫室中長大，做藝人之前從未打工，去年獨自在地外打拚令她成長不少，而爺孫戀的新聞亦令她變得堅強﹕「因為呢啲經歷先令到我成長，我覺得自己比以前系堅強咗，有更強嘅心理質素先可以做到藝人。」她坦承當年因此事而暗自抑鬱，但在人前卻要逞強﹕「我唔識表達自己，有心事都唔會同人哋講，我怕同人講咗第二日會喺報紙出，又會諗朋友冇必要聽我講咁多唔開心嘅嘢，因為佢地有佢哋嘅嘢忙，但好在家姐永遠系我嘅樹窿。」

談到感情生活，Lily雖然想創一番事業，但當愛情來的時候，她也會大膽接受﹕「就算好集中工作，如果啱嘅話都會feel到，我都想拍拖。我覺得對象最好系圈外人，好似安全感大啲，最重要系真心相愛，坦誠相對。（有冇擇偶要求﹖）要識關心我，溝通到，可以花時間陪到我，我唔鍾意收收埋埋，要真誠。」Lily自言近年也遇到不少追求者，以前總是很快下定論，現時會學懂花時間觀察﹕「我拍拖次數唔多，以前覺得啱就啱，唔啱就唔啱，好靠第一個印象，但我發覺其實系需要時間觀察，唔急嘅話，花多啲時間了解對方，都唔系一件壞事。」

夏文汐自覺同黎諾懿姊弟戀好Match：我Keep得好好

夏文汐（Pat姐）同黎諾懿喺《逆緣》裡面嘅終極忘年戀真系好引人入勝，最近兩集癌病複發嘅諾懿病情愈嚟愈嚴重，到尋晚諾懿就終於頂唔順，要求Pat姐抆走佢個氧氣罩，而Pat姐亦喊住送老公一程，最後更獻上告別之吻，場面真系好令人動容。不過，一直以來都有觀眾話呢Pair情侶有啲重口味，但Pat姐就覺得成件事其實好靚，佢接受訪問時就咁講：「好Match喎！年紀從來唔系問題嚟，最緊要系思想夾。依家咩年代呀，唔系仲咁落後呀？有幾個明星嘅老公都細過老婆好多啦！」

講到原來系Pat姐「欽點」黎諾懿演佢老公，佢就話：「無論系外型、高度都好適合呢個角色，其實仲有幾個選擇嘅，但系都系佢最好。其實好多方面嘅嘢我都有份畀意見。」講到7年前佢同陳偉霆拍嘅《出軌的女人》又系姊弟戀，之前又有人話佢戀上小鮮肉，問今次嘅姊弟戀系唔系佢出嘅主意，佢笑住咁答：「你以為我真系姊弟戀上癮呀？其實都系角色需要啫，同後生仔吸引嘛，咁我都Keep得好好吖，點算重口味？如果真系重口味，《出軌的女人》重口味好多。」

好多人都話拍TVB劇好辛苦，問Pat姐點解會肯接呢個角色？佢就話其實TVB好就佢作息時間，每日都起碼有7、8個鐘瞓：「肯接最主要系因為劇本好正，同樂小姐（樂易玲）識咗好多年，有一次返咗香港High Tea，佢就問我拍唔拍劇，到我同監製（王心慰）傾完，佢就話可以為我度身訂造個角色。我同個角色好吻合，又系明星，又係為咗感情而息影，都系80年代尾退出，所以可以話今次嘅演出系緣份嚟。」又指自己好開心可以同黎耀祥、林夏薇等合作：「我喺美國時成日都煲祥仔嘅劇！好開心可以跟佢學嘢。」

城城私隱外泄　車行地產狂抽水

昨日在社交網有疑似城城申請有關車牌嘅表格資料流出，就連被指系證件相、同埋簽名式樣都曝光。消息指城城喺4月26日喺珠海車管所辦理車牌，仲話佢買埋樓。東網記者就搵到城城經理人小美回應，不過佢當時身在加拿大，直至今日小美就回覆東網：「有關城城之證件照及其他資料被胡亂刊登，當然很不快和不滿，因為絕對是侵犯其私隱。我只能說，城城日前只是去處理一些駕駛執照上的事宜，至於網上胡亂的報道，均是一些渾水摸魚之徒缺德的創作，不想回應。」