TVB小生和吳若希拍拖時溝女被高層炒魷魚 如今戀上劉佩玥

睇返歴史，大台小花劉佩玥同大孖周志文，其實有一個共通點。就系??情史一籮籮喇！

13 年港姐季軍阿Moon ，入行之後積極收兵。最巴閉嗰次就系15 年，阿Moon比人影到有賭王個仔何猷亨去探佢班，仲送埋外賣，可惜最後比好姊妹陳瀅捷足先登。跟住拍《殭》嗰陣，又比人影到佢同黃又南匿喺車度談心，不知幾煙韌。之後拍《城寨英雄》，再同對手伍允龍戲假情真，仲成日喺男友屋企自出自入。

直到上年，又有「兵仔」主動獻身，拍新劇《跳躍生命缐》嗰陣，同翟威廉一包野飲兩份飲，仲成日走去對方studio唱歌玩通宵。幾個月之後，阿moon 又比人踢爆撻著有米圈中人，有大水喉射住。阿Moon仲搬左入價值二千萬嘅半山豪宅。

一個「收兵」唔手軟，另一個就「食女」無數。12年周志文同有錢女袁紫僑Coco 拍拖，但之後拍《名媛望族》嗰陣，背住女友同馬賽摓著，Coco 第一次嗌分手。衰過一次唔夠，同coco 好返冇耐，周志文同蔡思貝拍《衝缐》，比人影到喺台灣拖手，Coco 忍無可忍終於分手。之後周志文仲成功?埋吳若希，拍拖之後比Jinny 發現佢繼續溝女，繼而同高層篤背脊，搞到佢冇得留低！所以話呢??寧願得罪小人，都唔好得罪女人呀！

喜歡這篇文章嗎？立刻分享出去讓更多人知道吧！