TVB前藝人陳少霞與老公現身，談愛情好幸福！

藝人陳少霞和富商老公李文輝一同現身慈善晚宴，講到兩人有影皆雙，有何保鮮方法？陳少霞笑指老公有給她驚喜：「好多人話我嫁佢好幸福，我頭一年唔覺，今日先覺，因為我有時會對佢好多批評，但今日正當我想批評佢嘅時候，我見到佢拎住本聖經同靈修書，嗰下我想控訴佢嘅魔鬼念頭都冇埋，我覺得佢包容我唔系因為我得意同可愛，系我唔好佢都包容我。」

陳少霞又指先生以前都有些少脾氣，但為了她改變很多：「啲人久唔久都贊我老公靚仔，我今日見到佢認真睇靈修書嘅時候，佢竟然對我微笑，嗰刻我就覺得佢都好靚仔。」

李文輝亦表示愛是恆久忍耐，認為婚姻要互相尊重。講到七月就是兩人的結婚兩周年，陳小霞笑言：「兩年都唔容易，其實名人或藝人嘅婚姻同普通人都冇分別，幸好我哋有共同信仰。」

至於有何慶祝活動？陳小霞就表示：「生日都好少會大型慶祝，都想同老公兩周年請嚇啲朋友開個小型party。」

喜歡這篇文章嗎？立刻分享出去讓更多人知道吧！