封女神＋大爆煲湯叻！陳豪狂贊陳茵媺勁閃！

藝人陳豪（阿Mo）與太太陳茵媺（Aimee）出席湯水義賣活動，阿Mo在台上為太太挑選「神級Fusion湯」，因為覺得對方是女神，司儀森美即笑指Aimee眼泛淚光：「原因得一個，就系阿Mo平時冇贊。」

而阿Mo又喂太太飲湯，Aimee大讚湯甜，但老公喂湯更甜！森美在拍照時笑言自己是「第三者」，在Aimee面前扮搶老公，場面搞笑。

受訪時，談及「第三者」森美同場，阿Mo說：「兩個都系我嘅人，同佢合作咗好耐，見到佢特別開心。」問Aimee會否呷醋？她說：「唔會掛，佢搞氣氛好叻。」陳豪坦言平時社交生活近乎零，自己都好少出街，故通常會與森美在工作上見面。母親節將至，陳豪表示會籌備慶祝活動，問會否煲湯給太太飲？他說：「一陣會問嚇大廚個蜆湯點煮，Aimee煲湯系幾叻嘅。」

講到在台上Aimee被老公贊是女神，她平時都經常稱讚？她冧爆說：「He does it all the time。（佢成日都贊。）」

而陳豪認為經常用甜言蜜語凼另一半，感覺上會變得唔真心：「唔好因為咁而講啲讚美說話，真系咁覺得先講。」

Aimee聞言即說：「Oh my goodness！」問老公講過邊一句令她願意嫁給陳豪？二人即互相對望，她說：「唔話你知！好難答你。

（會否回禮畀老公？）會，系我哋關係嘅一部分，但又唔可以講系贊。」 阿Mo續說：「好似教小朋友咁，做得好要鼓勵，人系需要被欣賞，否則會沮喪，我覺得屋企都算幾陽光同正面，都想Keep住呢種思想鼓勵對方，不時稱讚大家。」

此外，古巨基昨日在演唱會發生墮台意外，二人都有入場觀看，阿Mo說：「開頭以為系表演一部分，但太長時間覺得唔系好對路，後尾見佢跳舞有啲生硬，都戥佢心痛，同時覺得佢好堅強。」

喜歡這篇文章嗎？立刻分享出去讓更多人知道吧！