MC Jin將任《中國新說唱》導師！坦言講普通話系個挑戰

歐陽靖今午為奇妙電視節目《天下第一Friend 2》錄影，到底有冇準備節目上大爆秘密？MC Jin：「大爆呢樣嘢我覺得自然就最好，其實好話唔好聽，其實系要睇個節目同埋個主持人。」

今日節目錄影完之後，MC Jin就要返美國陪伴家人，因為他平時工作都要飛嚟飛去，所以MC Jin就話依家其實都系用Facetime去維繫同兒子之間慨感情：「真系好佩服上一代或者上上一代慨人，因為以前慨人系靠書信形式嚟聯繫，有時仲要等幾日先收到，所以真系覺得渠哋好厲害。」

節目錄影時，主持人鄭紹康安排咗生日蛋糕送畀MC Jin，因為6月4號就系渠慨生日，而渠個仔就早渠3日，亦即系6月1日生日，唔怪得要趕返去美國啦！

MC Jin話，今年生日正日都會同個仔一齊慶祝，轉眼間，渠個仔已經就快6歲，MC Jin直言自己都唔後生喇：「你唔好話佢咁快大個啦，我唔經唔覺都已經30+6啦，好快又就到40歲，我都系咁同人講我就快40歲，完全唔介意人哋講我年紀。」

除了年紀轉變，身份上都有另一個轉變，就系成為《中國新說唱》導師，但大家都知道，MC Jin慨普通話水平就真系普通過普通，MC Jin都承認自己系「有限公司」： 「講普通話真系一個挑戰，但其實能夠成為導師系開心事，可以將Rap傳承落去，我都會自己有限普通話講下去。」

喜歡這篇文章嗎？立刻分享出去讓更多人知道吧！