黃家駒逝世25周年騷！阿嬌留酒店等做新娘 吳綺莉被問點解唔死？
今日快報
黃家駒逝世25周年騷 主辦方保密嘉賓名單
今年是殿堂級樂隊Beyond主音黃家駒逝世廿五周年，胞弟黃家強即將率領一眾歌手於下月10日假北京工人體育館進行紀念演唱會。該場地可容納觀眾一萬三千人，門票正式開售不足廿四小時已經火速售罄，出現一票難求的情況，歌迷更紛紛表示要求加場。
另外，外界對於演唱的嘉賓名單一直猜測不斷，主辦方近日透露，嘉賓將會聚集兩岸三地的優秀樂隊，包括黃家駒當年好友和後來受深受其影響的音樂人，具體名單則仍然保持神秘。而演唱會以「祝您愉快」為題，是黃家強特意為黃家駒所寫的歌，寄望哥哥「但願在您的遠方，可聽到我這歌。」
被問點解唔死 吳綺莉：遲早遲早
吳綺莉和女兒卓林的關係多時，尤其自從卓林「私奔」跟女友Andi遠走加拿大後，雙方更未有保持緊密聯絡，而卓林不單拍片「尋父」求救，更兩度被發現和Andi現身加拿大的便利店。身為母親的吳綺莉一直擔心不已，怎料有人竟「插多刀」，反問她「點解唔死」！
吳綺莉在社交網留言：「感謝，那些早上六點半打電話給我，問我點解你唔死的好朋友，把我恨恨的從睡夢中叫醒，我說請放心，遲早遲早，反思，只能怪自己沒有把妳好好的教壞。」而留言中的「妳」，網友則指她是指卓林外，更勸喻及鼓勵她別灰心。
娛樂公司群星戰 《火熱動感》鬧雙胞
曾經是「華星」歌手的梁漢文、郭富城和許志安等當年合唱了《火熱動感LaLaLa》，於1992年推出時熱爆全城，不過今年就分別有兩間唱片公司分別翻唱、翻拍同一首歌。
「夢想沙龍」的旗下歌手蔚雨芯、馬天佑聯同公司藝人陳嘉茵、男子組合ReVe等赴台灣拍攝MV《火熱動感》，並發布宣傳照，似有意搶今日由「天盟娛樂」旗下歌手Bingo、楊斯捷等重拍《火熱動感LaLaLa》MV風頭。
夢想沙龍發言人民迪表示《火熱動感》MV因日前在台灣拍攝，歌曲版權、製作費、機票連酒店食宿費等逾100萬港元，況且公司重本聘請周杰倫御用MV導演珍妮美執導，還有麥秋成做舞指，而因今年已經是2018年，公司想歌曲有新元素，所以截除了《LaLaLa》歌名，問歌曲鬧雙胞？民迪說：「良性競爭、跳舞歌已經好難做，但開心香港有人支持，鬧雙胞唔會嬲，我哋班底好強。」
而「天盟娛樂」執行董事林偉漢則說：「我哋知民迪都系拍呢首歌，唔介意鬧雙胞，各有各做，百花齊放啦，不過我哋雖然冇喺台灣拍MV，但製作費都差唔多過100萬港幣，況且我哋嗰首系original（原版）啲，因為呢首歌喺當年由我哋公司董事陳欣健搵返嚟，況且我哋嘅歌名系一樣，仲系搵番當年排舞師Sunny Wong幫我哋再重新編排舞，仲有呢首歌喺去年陳欣健嘅演唱會上已經表演過，今日再拍MV啫。」
呂良偉老婆小娟生日 吳佩慈千萬鑽戒放上枱
現年61歲嘅呂良偉每年同老婆楊小娟大搞生日P，之不過早排忙緊搞生意，所以推遲到噚日先為老婆舉行，噚日喺佛誕加上阿呂系虔誠佛教徒，壽宴主打系齋菜。
每年小娟嘅壽宴都可以用星光熠熠嚟形容，去年有宇宙最強甄子丹同冰釋前嫌嘅關之琳出席，佢哋大展歌喉即席顯唱，而噚晚有唔少圈中人到場，唔少得嘅系好友兼鐵腳嘅靚靚袁詠儀、周汶錡、周麗淇兩姊妹，仲有向華強、陳嵐兩公婆、吳佩慈同男友紀曉波、蔡一智、名人朱沃裕夫婦等。
話曬年齡都系女人嘅最大秘密，所以現場布置從簡，背幕只系寫住「小娟生日快樂」，在場所有女士都打扮到花枝招展，除咗壽星女小娟之外，最搶鏡嘅就系難得男朋友紀曉波陪住出現嘅吳佩慈。佢挨住男友影相嘅時候，不忘將手上戴住嘅過千萬鑽戒放上枱，都真系幾反光。聽聞只鑽戒系紀媽媽送畀吳佩慈，獎佢幫紀家生咗兩仔一女。
升呢做「父王」後首個演唱會 黎明復工東莞開騷
黎明（Leon）今年3月被爆同唱片公司女助手Wing撻著。大方認愛後，Leon上月已榮升人父，Wing為他誕下5磅B女後，上月24日仲喺facebook撰文答謝醫護人員，同時又斥爆料者如「漢奸」，火氣十足。
數數手指，Leon囡囡都已經滿月喇，據知Leon為爭取時間同初生女相處時間，過去一個月幾乎暫停所有工作。不過，Leon向來系工作狂，近日亦似乎為工作做好準備喇，首先傳嚟嘅好消息，就系Leon會於8月25日，喺東莞「東莞東風日產文體中心」舉行演唱會，亦即系「黎天王」升呢做「黎父王」嘅第一個演唱會。
據知，各地樂迷得知Leon會喺東莞開騷都相當興奮，紛紛打算去捧場，甚至有香港旅行社睇中呢舊肥豬肉，搞咗四個分別1日、1日半、2日同3日嘅東莞旅行連睇騷團添！
阿Sa鄭希怡食韓燒 阿嬌留酒店等做索新娘
準新娘鍾欣潼（阿嬌）將於美國時間25日喺洛杉磯舉行結婚派對，佢一班好友好似經理人霍汶希（Mani）、蔡卓妍（阿Sa）、鄭希怡（Yumiko）一家等已聚首於洛杉磯，不過就唔見女主角阿嬌同埋早幾日先知道美國簽證過期嘅容祖兒（Joey）。
Mani透露準新娘阿嬌要留守酒店休息所以冇蒲頭，仲話佢要爭取時間養足精神做個靚靚新娘，Mani又謂：「我們今晚難得聚首一堂，和阿Sa出外吃了韓國燒，和梁浸浸玩了一晚好開心。」
至於剛剛幫Twins搞巡唱嘅音樂人陳明道（Terry），亦有喺社交網曬出同Twins嘅合照，同埋Twins嘅開騷相。見到阿嬌喺台上勁有自信，似乎狀態大勇！
?轉載授權微信：lama129
? 商務QQ：1900556960
TAG:HKChannel |