李日朗被騙7位數血汗錢碧兒富豪男友欠債半億《逆緣》結局篇收27.3點

娛樂 05-26

今日快報

被騙7位數血汗錢　李日朗報警求助

藝人李日朗（Don）早前被友人騙去7位數字積蓄，努力數年的「成果」化為烏有！他日前與一名資深大律師及一名律師現身中區警署，Don見有記者在場時大感愕然，起初直言只想低調處理問題，後來才表示：「嚟錄口供，有個識咗十幾年嘅女性朋友攞咗我啲錢後『失蹤』。據我所知，仲有其他朋友同樣損失7位數，最內疚系連累我屋企人都冇咗啲血汗錢，但我啲錢用曬嚟開戲，暫時冇能力畀番佢哋！」

失蹤半年冇影

Don坦言有人藉著多年交情，加上彼此合作做生意，深夜致電向他求救：「當時佢話急用要幫人，會過幾日即刻轉番（錢）畀我，我咪畀（錢）佢囉，點知後來佢冇咗影，至今足足有半年時間嘞，講緊損失嘅7位數，都仲未包括同佢做生意賺咗嘅錢。據知佢同老公離咗婚，依家連佢前夫都搵佢唔到！（你知道冇咗咁多錢後咩反應？）世界末日囉，幾年儲番嚟嘅錢冇曬喎，本來諗住今年環境好啲，可以同屋企人去次豪少少嘅嘅旅行，依家提都唔敢再提嘞。（女友呢？）好彩佢唔系用好多錢嘅人，咪一齊捱囉！」

起碼想搵番個人

Don當天由晚上7時開始，逗留到翌日凌晨1時許才完成整個錄口供過程。事後他補充：「嚟緊可能要再去唔同嘅警署提供相關資料，相信事件冇咁快解決到，過程會好漫長。我亦明白未必追得番啲錢，但起碼想警方協助搵番呢個人出嚟，同埋我想佢身邊嘅人提高警覺，唔好再畀人呃嘛。」

飛釘吸睛！廿四孝老公陳豪被老婆遙控濕平

向來是圈中「愛妻號」的陳豪，日前山長水遠由大埔去到中環，被老婆陳茵媺遙距購物。穿緊身Tee爆肌的陳豪睇完文具又睇背囊，期間還拿著手機不停拍照給老婆過目，但似乎不合老婆要求，任勞任怨的他惟有行多幾間，搵到啱老婆心水為止！

前日下午6時許，陳豪一支公到中環一個商場，穿緊身Tee、白色短褲的他，胸前兩塊「雞排」相當明顯，當行至冷氣頗大的地方更突然凸點飛釘，當爆肌陳豪現身時即成為焦點，引來不少男女途人眼望望。期間見到有記者拍照，他即急急戴上黑超扮Cool，之後往附近一間大型書局閑逛。

甫進店內，陳豪極速逛了一個圈，睇完文具再睇背囊及計算機袋等，期間亦拿著手機不停拍下照片，似是傳給老婆過目，又見他戴住earphone講電話，不過似乎不合Aimee心水，之後就急急腳轉身離開。問陳豪來買甚麼？他說：「諗住買啲文具，但搵唔到，依然要去第二度再睇。」

祖兒簽證過期　霍汶希慘慘豬孤身上路

藝人鍾欣潼（阿嬌）即將在洛杉磯舉行結婚派對，其經理人霍汶希（Mani）現香港機場出發當地，原定與容祖兒結伴同行，沒料祖兒美國簽證過期，令她變孤身上路，Mani苦笑說：「佢真系好論盡，訂曬機票，仲系佢幫我換埋機票，佢系早幾日先發現，又唔敢話我聽，佢後尾話有嘢同我講叫我冷靜啲，嚇得我以為咩事。（祖兒勁唔好意思？）佢系嘅，因為今次系好姊妹嘅派對，都驚阿嬌嬲，但阿嬌冇嬲反安慰佢。（祖兒有冇作最後努力去申請簽證？）佢呢兩日都有去，但真系搞唔到，我都想祖兒畀到個驚喜我，可惜冇。」

Mani最無奈是祖兒提議早一天到當地，現在她是全場唯一一個到當地的人，連Twins都未到。現祖兒變機留港放假，問到可有即安排工作給她？Mani笑言：「冇喇，咁急，但有工作都要佢做。佢應該享受呢幾日假期。」

笑老闆似嫁女

至於Mani可有帶結婚禮物給阿嬌？Mani表示之前已送了一對龍鳳鈪，但都會留在香港婚宴先戴。問到可知阿嬌心情如何？她謂：「咁佢仲做緊演唱會，反而我同佢講好驚，因得我一個人搭飛機，有冇人嚟接我?，佢話搵人揸牌接我。」

問到阿嬌的婚紗可有過目？Mani謂：「冇，因為只系一個Party嚟。」阿嬌的未婚夫賴弘國是否已飛當地？Mani笑言只知自己會是第一個到。會否有嫁女心情？Mani說：「系覺得好開心，睇住佢成長，佢開心我就開心。」問到老闆楊受成可有有說話要代傳？她笑言：「老闆話傳媒話我送樓喎，咁系咪送樓呀！嘩，咁多嘢送？愈嚟愈多嘢喎！所以嫁女嗰個系佢。」

《逆緣》結局篇收27.3點　陳家樂請食飯

由陳家樂及林夏薇等主演的無線劇《逆緣》，結局篇錄得27.3點跨平台總收視，成績不錯兼暫躋身本年度劇集收視三甲內，台前幕後可謂飲得杯落！身為男主角的陳家樂開心表示：「拍呢部劇收穫好豐富，台前幕後系值得慶功嘅，薇薇（林夏薇）同祥哥（黎耀祥）之前都請咗大家食飯，所以我點都欠大家一餐嘅，不過我想等埋祥哥喺內地返嚟一齊，但又驚有排等，都系問嚇監製先。」

幸福嘅煩惱

家樂又感激不少廣告客戶邀請，希望他保持『爺爺造型』拍廣告﹕「不過同時間我要以新造型拍戲嘞，惟有兩邊平衡，呢啲系幸福嘅煩惱。」林夏薇坦言是台前幕後努力的成果，更寄望原班再度合作。

面部肌肉疑似失調曾華倩：我Chur得好勁

現年52歲嘅曾華倩，近年多咗喺幕前出現，舊年更加盟亞視，並伙拍朱慧珊、朱慧敏及樂瞳主持節目《今晚見》，過往邀請過毛舜筠、韓君婷等做嘉賓，都有唔少捧場客。

不過，今日有周刊報道，指一向以精靈、反應快聞名嘅華倩，喺早前播出一集訪問李婉華嘅《今晚見》中，反應遲緩，更不時現疲態，面部肌肉更出現疑似失調同僵硬嘅狀態，有觀眾目擊到華倩面戚戚、表現失准，紛紛上網留言表示憂慮，擔心華倩健康出問題，有人直指華倩呢啲表現可能系中風先兆。

打俾曾華倩，講到佢面部肌肉出現疑似失調同僵硬嘅狀態，唔少網民擔心佢可能系中風先兆，華倩笑住話:「我冇事，已經睇醫生check過，嗰日我chur得好勁，自己太攰，加上我有小小感冒，可能食咗啲葯加加埋埋所以咁啫，唔使擔心。」

其實華倩喺1996年嫁俾林肇基，誕下兒子林浩賢后，就專心相夫教子。離婚後，華倩全力湊仔，同時又要搵錢養家，且極緊張兒子學業，無論系個仔考試定課外活動，華倩能陪就陪。林浩賢亦好生性，系一名出色嘅游泳健將，不單試過打破學界紀錄，更系香港隊成員之一。

囝囝開始長大，華倩可以逐步放手，近年先至喺幕前出現番多啲時間，不過，要同時兼顧家庭同事業，華倩幾乎用盡時間，可能因此唔夠休息，影響健康。

富豪男友被揭曾欠債半億廖碧兒：還原基本步

廖碧兒有拖拍，本來系一件美事，但戀情曝光後，有關億萬富豪男友盧啟賢（Calvin Francis Lo）嘅過去，亦越揭越多，包括指Calvin同前妻Emily育有一女；另Calvin認識碧兒前，已經有個泰國龍頭電訊公司太子女女友Nina，捲起「三角疑雲」。本月13日，Calvin仲同Nina去亞博睇Bruno Mars演唱會——冇碧兒份。

未知是否因為Calvin嘅事令碧兒心煩，故近日佢索性避走香港、返溫哥華重過學生生活，並於ig留言﹕「 Time for me to 「keep life simple」. Going back to basics for a bit...（是時候到我"過得簡單啲"還原基本步）」傳媒再三追訪，碧兒亦一直未有回覆。

雖然人不在港，但碧兒繼續成為封面人物。今日有周刊爆料，指Calvin與前妻Emily離婚官司，合共花近一千七百萬港元。

Calvin與前妻育有一女，兩人2013年離婚時，Emily向Calvin爭取女兒撫養權及贍養費，Calvin即自揭一身債務，金額高達近半億，其中包括欠母親約1,850萬港元。

報道稱，Calvin母親從事保險業生意，名下資產億億聲；Calvin追求異性時亦出手闊綽；06年與Emily結婚，Calvin更豪擲八百萬於四季擺酒。

不過Calvin與前妻打官司時，卻自揭欠債纍纍，又稱每月基本薪金不足以支付巨額贍養費，最後法庭判Calvin必須分擔女兒嘅生活支出外，還需向前妻支付每月二萬五千元。