女神要求高！劉心悠唔滿意自己有酒窩

無線劇集《宮心計2深宮計》熱播中，入面除咗有胡定欣慨高低眉獲熱議外，劉心悠逆齡演出初入宮慨小宮女亦系一大亮點。雖然心悠已經37歲，但都可以Keep住童顏，拍埋去啲「真．小宮女」度都完全冇違和感！呢日big big channel就搵番劉心悠同餘文樂喺2008年上節目慨片段，當中心悠分享凍齡秘訣，仲自爆樣貌有「缺憾」。

好多人都會靠護膚同美容嚟保持青春，但心悠就話健康先系最重要，渠自爆每日都要早睡早起，最夜12點就一定要逼自己入睡，朝早就算冇工作在身，都會8點半起身，生活好有規律。另外，心悠仲話運動都好重要，渠除咗鍾意打網球同跑步之外，仲堅持每日臨瞓前都要做5分鐘瑜伽，點知被主持人笑渠5分鐘連熱身都唔夠，搞到心悠好無奈。

之後，貴為「女神」慨心悠竟然話自己個樣唔完美，因為面上有酒窩，仲爆出金句：「塊面上有窿，唔覺得好奇怪咩？」，並話自己有4個酒窩咁多，即令全場忍唔住大笑。心悠仲話自己心目中慨女神系李嘉欣，因為佢好有氣質。唔少網民就話心悠之所以做到女神，除咗樣靚之外，最主要系渠性格單純天真，大讚渠可愛！

網民有話兒：

Mx Pxxxxy：心悠bb個樣冇變過，仲系咁靚呀！

Kxxo Hxxxxg Cxxn：咁都唔完美，點先叫完美？

Gxxxxxca Tsxxo：其實余文樂都冇乜點變

Txxxmy Txxoi：日日做運動，唔怪得佢咁瘦啦！

喜歡這篇文章嗎？立刻分享出去讓更多人知道吧！