《開心速遞》送水輝與大小姐上演床上戲！大小姐為愛不擇手段

無線處境劇《愛?回家之開心速遞》昨晚播出的一集又有全劇人氣最高的CP，大小姐(林淑敏飾) 同送水輝(許家傑飾) 喇，一班觀眾同網民都睇得好開心。今集劇情講大小姐又繼續幫襯送水輝的初戀套餐，仲玩埋床上戲。

不過大家唔好心邪，他們扮演的龍小蓮同輝Dee因為即將要同居，所以去家俬店試床啫。正當大小姐已經一心構思好往後十次「拍拖」的劇情之時，她卻發現與送水輝的約會次數只剩下5次。為了留住心中所愛，大小姐竟然去偽造假卡呃送水輝。

原來送水輝好憎人咁樣呃他，當明珠(馬蹄露飾) 用假卡呃他兼被他即場揭發時，他嬲爆表示：「之前大把女人想用呢招嚟呃我，你已經觸踫咗我慨底線，已經被列入黑名單，無論如何我都唔會再為你提供服務。」但系，同樣的事由大小姐去做，送水輝唔止無嬲，明知大小姐呃他卻依然表現得好冧。

當他諗起公司群姐(許思敏飾) 的一番話而知道大小姐好愛他時，更是由心入面笑出來，仲同自己講：「算啦，當豪畀你。」

睇得出他已經情傾大小姐，呢幕真系好sweet。網民紛紛在討論區留言話他們兩個好正好好笑，仲提議TVB拍一套大小姐同送水輝的外傳。

喜歡這篇文章嗎？立刻分享出去讓更多人知道吧！