變身太平公主過程曝光 陳煒 自己動手畫花鈿
最新
05-31
變身太平公主過程曝光|陳煒 自己動手畫花鈿
本文轉自網路 不代表本號觀點
無線重頭劇《宮心計2深宮計》正在熱播,劇中個個女角造型都非常華麗,尤其系飾演「太平公主」嘅陳煒,古裝造型更充滿霸氣,氣勢力壓眾多妃嬪,而呢啲妝容同髮型背後需要花嘅心機同時間絕對唔少,無線早前就喺其See See TVB嘅專頁公開陳煒嘅「太平公主育成記」,由煒哥親身上陣,畀大家睇嚇佢變身「太平公主」嘅過程!
陳煒 用盡每分每秒
拍古裝辛苦個個都知,古裝髮型由戴頭套開始,到化好成個妝,真系好考功夫,為咗節省時間,陳煒喺化妝過程中事事親力親為,由零開始化妝set頭,包括畫眼線、搽眼影、補胭脂、印花鈿等都有自己親自動手!期間煒哥仲偷雞攝埋時間醫肚,真正用盡每分每秒!
喺化妝師幫煒哥黐頭套之時,煒哥善用時間,幾乎自己動手化晒成個妝。
煒哥自己動手搽眼影,仲畫埋花鈿!
搽唇彩、補畫發線,煒哥儘力將自己妝容執到最靚。
Set頭之時,煒哥仲攝埋時間食個lunch,為免整花個妝,煒哥全程都食得小心翼翼。
喺努力節省時間下,煒哥透露由化妝、整頭兼食埋個lunch,都只系用咗個半鍾。
煒哥話成套劇大約拍咗四個幾月,最初佢頂住個超高嘅髮型真系覺得好攰,因為高度限制連普通車都坐唔到,就算想飲啖水都唔容易!
佢又介紹佢個妝最大特色系堂眉同個花鈿,仲有個髮型上嘅美人啄,令到佢整體造型都充滿霸氣!
該新聞包含視頻,本號暫時無法上傳,
想看的粉絲請留言,小編會提供鏈接。
---------------------------------
最新最快最全:關注訂閱號tvbdrama,回復你想要的
TAG:港劇大全 |