洪永城壓力大到脫髮 王敏奕認與曾國祥同居 梁烈唯任Fans摸摸

今日快報

監製勁贊！洪永城壓力大驚現「男人最痛」

藝人洪永城（Tony）以嘉賓身份出席著名資深編劇陳寶華主講的座談會，對於獲陳寶華贊有喜劇感及節奏感，正拍攝對方擔任總監製的新劇《多功能老婆》的Tony笑說：「多謝佢咁贊我，佢成日話我口才好叻，節奏感好好又好笑。佢話加多啲搞笑戲畀我，其實我想做認真嘅戲。不過今次同佢合作喺佢身上學到好多嘢。」問到如果陳寶華找他到內地拍劇可有興趣，他說：「佢搵我梗系有興趣，內地市場非常大，亦都有好多可能性。」

壓力大到脫髮

提到於分享會上透露早年拍攝時出現甩頭髮現象，Tony說：「有咁嘅壓力，但我新陳代謝都唔錯，好快冇事。但每個演員都要諗辦法喺唔同情況底下面對壓力時要釋放自己，或者搵辦法令自己冇咁大壓力。」

做評判險死

講到蕭正楠日前與張振朗宣傳《美女廚房》時，爆為節目擔任評判的他對蝦蟹敏感，搞到氣管收窄，呼吸困難，Tony笑說：「總之好驚險，不過依家我生勾勾企喺度。」他更透露今次節目會有新玩法。

為開騷準備？胡鴻鈞預告挑戰跳舞歌

歌手胡鴻鈞（Hubert）接受電台訪問宣傳新歌《偷聽情歌》，歌曲是正於日本安胎的歌手方皓玟操刀，Hubert表示很感激她在安胎之餘，仍不忘幫他新歌在網上宣傳。而Hubert稱今次能速成合作是他曾向公司表達，希望可以與不同的音樂人合作，尤其是創作歌手如王菀之、方皓玟等，而公司竟快速行動，並表示已找到適合他的歌曲，於是很快便找人填詞，而完成這首歌曲。

講到Hubert仍未挑戰快歌跳舞作品，他笑言：「可能我出年變咗個跳唱歌手呢，我自己真系唔會抗拒任何曲風嘅音樂，始終音樂系好大嘅，自己出道至依家嘅歌路系比較窄，當然都要搵咗最善長嘅範疇，但亦要有跳出框框嘅勇氣，去試新嘗試。」Hubert表示若將來有機會開演唱會，不能兩小時都是千篇一律去唱情歌，怕歌迷都會悶，雖然跳舞不是強項，但都會勇於去試。

七年之癢？丁可欣甩拖：唔想勉強維繫

由網紅「火雞姐」搖身變為歌手的丁可欣（Yanki），正準備一首關於分手的新歌，更是其親身經歷。她與舞蹈員男友王顯聰（阿聰）拍拖近七年，一直感情要好，但原來於兩個月前分手。

Yanki受訪時透露因雙方步伐不一致而分手：「唔想勉強維繫一段感情，佢對我嚟講系一個重要嘅人，陪我經歷太多嘢，佢對我好好，只不過有時我想聽番自己個心，選擇自己最想行嘅嗰一步。」她慨嘆說原來不是每段感情都有理想結果：「但唔代表嗰段感情系冇意義囉！佢幫我面對過好多困難。（七年之癢？）一直冇諗過分開，唔知系咪呢一、兩年我太了解自己。」

她亦否認做歌手後拉遠兩人距離：「唔關事，五、六年前一齊做Dancers（舞蹈員），都算系半個娛樂圈人，反而系各自對人生有新嘅憧憬，遲啲聽首歌就知。」

開聲想結婚！王敏奕認與曾國祥豪宅同居

邵氏網劇《飛虎之潛行極戰》昨晚假尖沙咀舉行慶功宴，慶祝內地點擊超過32.6億，首周跨平台總收視達26.2點，首集跨平台總收視更有28.2點。台前幕後包括吳卓羲、黃宗澤、梁烈唯、吳岱融、何佩瑜及高海寧等紛紛現身，是晚筵開18席，場面相當熱鬧。

有份參演的王敏奕早前被拍得與男友曾國祥進駐貝沙灣3000萬豪宅，她大方承認同居﹕「租嘅啫，都住咗一段時間，嗰度算抵租，環境亦好舒服。（為結婚準備？）未有咁快，相處多一段時間先啦，佢又忙我又忙，大家好享受相處時間，如果系（結婚）一定公布，呢個世界冇秘密，信息咁發達，況且系開心嘢。」她笑言：「系時候嘅就會發生」，當被追問時否已獲求婚，她害羞謂﹕「未，冇跪地求婚，由拍拖到依家成日被追問呢個問題，好似逼住我哋要去面對咁，我嫁得出真系要多謝大家。其實拍咗四、五年拖，都差唔多喇。（妳逼婚？）冇呀﹗」

同Fred感情有變？何雁詩：慣咗畀人講分手

歌手何雁詩（阿詩）跟鄭俊弘（Fred）去年被爆秘密拍拖，負面報道接踵而來，當時兩人承受著巨大壓力，更傳遭公司棒打鴛鴦。經過一年時間的考驗，兩人的感情絲毫未受影響，但為保愛苗，兩人決定低調處理感情事。

否認分手傳聞

目前身在澳洲旅遊的阿詩，對於被指早前她與男友在西貢食飯時相對無言，阿詩越洋回覆東網：「又唔會話好煩成日被人話分手，我都習慣咗，冇乜所謂，我哋兩個自己開心咪OK，始終感情系我哋兩個人嘅事。」

唔怕凍十度潛水

阿詩透露已經在澳洲玩了近十日，而男友Fred未有同行，她笑說：「佢早幾日去咗馬來西亞做嘢，嚟緊我又開劇，我咪諗住開劇之前去個旅行先，返嚟就專心開工，所以就等冇佢，自己走先。」阿詩在當地還一嘗潛水樂趣，不過當地只有十度，天氣頗凍。見到她在社交網上載的旅行相中，她凍到連鼻哥都紅曬！有一年沒有開劇的阿詩又透露將會接拍一套時裝劇，所以心情很興奮。

梁烈唯登台搵銀養家　任Fans摸摸

藝人梁烈唯早兩日到大陸出席多個搵銀活動，去東莞商場及惠州一個大型night club登台，Fans相當熱情現場逼爆，唯唯坦言啲Fans一掂到他都很開心、興奮。他接受訪問時表示：「事實上《飛虎之潛行極戰》播出之後系多咗商演同登台，依家自己都拍緊《鐵探》，都好多謝劇組幫手，佢哋知我要搵錢養家，想早日買樓畀個女，都好幫手度期畀我去登台，系忙碌，但每天都好開心。」問拍《鐵探》是否有很多動作戲時，他謂：「都系，但我已經比較少，因為之前傷過都未完全好番曬。（上車都好快？）仲差好遠呀！要繼續努力。」

?轉載授權微信：lama129

? 商務QQ：1900556960

喜歡這篇文章嗎？立刻分享出去讓更多人知道吧！