大對決！楊怡陳煒邊個最兇狠？

女人多嘅地方特別多是非，尤其系古代後宮佳麗三千，一班妃嬪為爭寵上位，不惜斗個你死我活，所以啲宮廷劇先咁精彩！好似無線依家就播緊《宮心計2深宮計》，網民都睇到好肉緊，同時都令人諗起2009年套《宮心計》，當中飾演「姚金鈴」嘅楊怡奸到出汁，令人睇到咬牙切齒，好嬲呀！！！

楊怡喺劇中為咗增強氣勢，經常瞪大對眼用眼神凶人。唔好以為楊怡求其怒睥，其實呢個必殺技系有名堂，叫做「宮心眼」！睇嚇佢單單用凌厲嘅眼神，已經令人不知幾心寒，好嚇人呀！再加上楊怡陰陰嘴笑，講住狠毒嘅說話，由頭奸到落腳，唔怪得劇中嘅其他妃嬪都臣服於佢，甚至同佢狼狽為奸！

嚟到《宮心計2深宮計》，當然要有人承傳「宮心眼」秘技啦，佢就系「太平公主」陳煒喇！劇中陳煒不時耍手段迫害人，又向死對頭胡定欣咄咄逼人，望住人啲眼神相當兇狠，同楊怡嘅「宮心眼」有得揮！有網民即發揮奇想，用Apps幫陳煒P出更凌厲嘅眼神，就連漫畫中最強嘅「寫輪眼」都出動埋，邊夠你玩先？

GIF

來源網路

喜歡這篇文章嗎？立刻分享出去讓更多人知道吧！