成日被催婚山聰有諗過：依家儲緊錢！

最新 06-07

成日被催婚　山聰有諗過：依家儲緊錢！

藝人陳山聰與李施嬅於黃長興新餐廳，宴請劇集《金宵大廈》台前幕後。問到二人可有興趣效法長興做生意，山聰答：「都有諗過嘅，本來想搞運動品牌生意，但過程太複雜喇，我哋班跑友中，最有生意頭腦系胡諾言。」李施嬅則謂：「都搞咗化妝學校兩年，但太吃力，因為要兼顧演藝事業，依家會放錢畀拍檔搞。我都搞過衫、會所式大型投資咁，好彩都有錢賺。」

施嬅乘機笑山聰有錢請客，平日又愛買名牌，大爆對方曾用遊艇與她出海。山聰即謂﹕「我啲衫淘寶。（遊艇都淘番嚟？）紙紮?，借番嚟啫。（有報道指你有意結婚？）呢啲成日傳，女友睇到都有問我。咁系有諗過嘅，依家儲緊錢，我阿哥就叫我齊齊喺澳門投資西班牙菜餐廳。（今年結？）忙到死。（出年呢？）有好消息再同大家講啦。」

等山聰同女友（右圖）嘅好消息！