冥鏹蝦球聞風喪膽！陳凱琳嘆：我冇乜天分

最新 06-07

冥鏹蝦球聞風喪膽！陳凱琳嘆：我冇乜天分

前港姐冠軍陳凱琳（Grace）到葵芳出席香港小姐公開招募活動，講到在《美女廚房》首集包尾，她笑言自己睇番都覺得好笑：「我媽咪都睇得好開心，佢話『阿女，唔緊要，第日都系我煮畀你食啦！』起碼有個後著。（但你之後都要煮畀老公食？）我對煮飯真系冇乜天分，我澳門朋友睇完節目都話我都系整甜品好啲！」問到男友鄭嘉穎可有安慰她？她坦言：「冇，佢拍咗啲節目咁耐，都明白最緊要系氣氛好，觀眾睇完有話題笑嚇都系好事。」

問到除了甜品外，嘉穎可試過她其他手勢？她笑言：「都有，其實以往冇咁失手，我煎過豬排畀佢食，只系節目入面嘅炸嘢真系第一次整，我見到佢??哋時應該撈出嚟，但我又未知佢熟未，覺得熟系重要過?，所以繼續畀佢炸嚇先。（有信心上節目平反番？）我諗應該系3個最差斗，不過冇所謂，最緊要繫上節目好玩。」

講到本月23號是其27歲生日，Grace表示由1號開始已獲朋友預早慶生，問到正日可是預留了給嘉穎？她坦言：「都系，會留喺香港。」另外，談到前港姐楊婉儀抵押后冠借貸，她表示：「因為我唔系佢本人，會尊重佢意見。（后冠對你嚟講系咪無價寶？）都系，但每人唔同諗法，唔可以將自己諗法代入去。（冇諗過會抵押后冠？）呢一刻當然冇。」

冥鏹蝦球已成為Grace人生烙印。