王浩信開「空頭支票」陳自瑤決定分居？阿嬌返港無所不談，許芯悅直播遭性騷擾

今日快報

度蜜月後返港無所不談 阿嬌深情與老公互望

剛成為賴太的鐘欣桐（阿嬌）孖老公賴弘國從美國返香港，現場所見，阿嬌如沐春風，勁風騷，全程笑曬拖實賴弘國只手，sweet到爆，兩人更大方畀傳媒影相，兩人不時甜蜜互望！

阿嬌現身就話：「今次美國唔系簽字，系想大家有個好嘅回憶，同好朋友聚埋一齊。（香港幾時擺酒？）喺十二月，到時會同大家講，唔系刻意隱瞞。」問到今次系咪老闆埋單？佢話：「美國唔系，香港系。」問老闆系咪送樓？她笑言：「佢講咗就算啦。」

習慣畀人叫賴太未？佢冧豬話：「有啲緊張。」講到賴弘國喺派對上唱出《愛很簡單》，佢笑言練咗好耐：「因為我不是專業。」依家畀幾多分老公？阿嬌話：「唔畀得滿分，怕佢驕傲！」賴弘國就畀老婆滿分！點解花球畀阿Sa？阿嬌話：「得佢之嘛，想所有朋友都開心。」

朱麗倩肚凸凸現身畢業禮 目擊者：佢肯定系有咗

劉德華嘅6歲獨生女劉向蕙幼兒園畢業，一向私生活低調、十分保護家人嘅華仔，下午3點幾孖老婆現身灣仔伊館，兩夫婦極罕地公開出席，親眼見證囡囡喺台上行畢業禮。

向蕙就讀嘅幼兒園今日舉行第53屆畢業禮，當輪到囡囡上台攞畢業證書時，華仔更興奮到企起身，而疑似大肚嘅華嫂就全程坐下，似乎想保持低調免引起注意。

爆料人接受電話訪問表示，華仔現身伊館時，十分鬨動，但更加引起葉太注意的是，「華嫂」朱麗倩肚凸凸孕味甚濃，育有兩子女嘅葉太語氣堅定表示：「佢肯定系有咗，睇個肚似有5個月。」

葉太話佢坐喺華仔夫婦隔籬，所以可以近距離拍攝兩人相片，從葉太提供相片所見，清楚影到華嫂嘅正面，著白色裙嘅華嫂雙手疊在腿上，肚部明顯隆起，的確孕味甚濃，與身旁嘅華仔專註望著前面，似等囡囡上台行畢業禮。

目前兩夫婦倩只育有獨生女向蕙，華仔曾坦言想追多個小朋友，但老婆年紀漸大，兩人已放棄追B希望。想不到現年52歲嘅華嫂，傳出再度懷孕嘅喜訊，早前佢戴口罩現身中環中建大廈，有指是去睇婦科醫生。

許芯悅玩直播出事　慘遭壞粉絲性騷擾

女藝人許芯悅（Katie）早前出席餐廳開幕儀式，原來最近Katie亦正籌備飲食生意，因此專程來偷師：「咁啱呢日餐廳幾個老闆系我識咗好耐嘅好朋友，所以要嚟賀一賀佢哋，順便偷師學嘢！之前我都上咗內地啲廠訂造杯碟用具，又要兼顧日常拍攝工作、宣傳歌曲工作、戲劇班考試同直播，所以時間管理真系要做好啲。」

此外，Katie經常玩直播分享生活，獲得不少Fans支持，但最近卻無奈被網友性騷擾，令她相當激氣並鮮有地發火，她說：「其實個Fans都跟咗我五年，有時佢都會講啲嘢侮辱女性，又令人誤會佢系我男友，但今次真系好過分，講到好似我同佢有路咁，牽涉到我嘅人格，做呢行最緊要清白，如果佢話系一時貪玩，呢個解釋系唔接受，唔可以話要有言論自由就唔尊重女性！」

陳自瑤決定分居 囡囡交畀王媽照顧

人夫王浩信先後同蔡思貝、江嘉敏傳緋聞，陳自瑤曾公開表示信任老公，以往陳自瑤間唔中就喺網上貼同老公嘅合照，不過最近陳自瑤只貼單人相，同一啲自勉句子，王浩信為咗修補感情，早前出席活動，講明要同陳自瑤每年去一次旅行，又話要買獨立屋俾老婆，知轉頭購入清水灣傲瀧高層單位送俾媽咪，事前老婆YoYo更毫不知情，張張「空頭支票」，主動提出離婚。

王浩信近年信基督教，開始學識放下，明白要活在當下，接受好同壞嘅情況，強調婚姻關係冇改變，認為婚姻系會有困境，要學習同汲取教訓，認為珍惜身邊擁有嘅嘢已經好快樂，但系今日有周刊指王浩信同陳自瑤處於分居階段，加上陳自瑤喺行內人口中得知王浩信嘅嘢，陳自瑤曾俾咗多次機會，圈中姊妹勸陳自瑤忍嚇，陳自瑤去完杜拜錄節目返港後，決定同王浩信攤牌，叫老公搬走，而王浩信買樓俾阿媽系想第時有個新竇。

報道又指，陳自瑤喺好少埋堆，喺圈中朋友唔多，最近成日返教會搵教友傾偈，之後會努力工作，而囡囡靖喬升小學後，就交由王浩信爸媽照顧。王浩信接受傳媒就話：「唔回應啦，多謝大家關心!」

?轉載授權微信：lama129

? 商務QQ：1900556960

喜歡這篇文章嗎？立刻分享出去讓更多人知道吧！