馬國明成名血淚史 熬足8年才擔正男主角

TVB熱播劇《宮心計2深宮計》受觀眾追捧，除宮內明爭暗鬥的劇情好看外，主演之一的馬國明都好搶眼，皆因他不時Man秀肌肉，不止心穎BB看到心心眼，連一班觀眾都流曬口水！升級為TVB當紅小生的馬國明毫不惜身，依然肯為劇集露肉，表現十分專業，不過其實他未成名前都好能熬，還做過不少路人甲角色。

TVB「myTV SUPER」專頁亦剪輯了相關片段供大家回顧，由劇集《洗冤錄》、《FM701》、《封神榜》到《陀槍師姐II》等，馬國明穿越古代做王爺，又試過做唐三藏、士兵同大夫之一，可惜統統沒對白，鏡頭少得可憐，難怪網友都說當年看劇時都沒發現馬國明，要用放大鏡才找到他。去到《皆大歡喜》就好一點，終於有幾句對白可以講，雖然沒什麼發揮，但馬國明依然交足戲，這就叫敬業啰！

機會是留給有準備的人，跑龍套跑足幾年後，馬國明終於接到《衝上雲霄》的角色，仲憑靚仔機師形象爆紅，之後首度擔正演出《律政新人王II》，由零對白到男主角，這條路足足熬足8年，認真有血有淚。不少網友都大讚馬國明好能熬，少點毅力都堅持不到，也有網友說馬國明當年有少少Baby fat，樣子相當青澀，差點不能認到他，果然仔大十八變！

網民有話兒：

XXoyTsaXX：所以話努力會有出頭天，加油！

LaXXXilence：佢仲有做《尋秦記》，系琴清新婚當晚去打仗嘅死鬼老公。

XXXTai Lau：仲有《金裝四大才子》入面喺錢莊叫囂嘅村民甲。

JennyWuXXX：呢幾套我都睇過，竟然冇發現佢！

喜歡這篇文章嗎？立刻分享出去讓更多人知道吧！