跟著香港的哥吃遍新界小食

去到世界各地，要搵美食當然要問的士司機。我哋剛剛從新加坡旅遊回來，當地的士司機都介紹不少美食俾我哋啦~~~海南雞飯、肉骨茶、叻沙等等，都非常有風味。

當然，香港的士司機都會有佢哋秘密食肆和小食。不過，每次問到的士司機喜歡去邊度食飯，又或者有咩小食選擇，他們總會這樣說：「隨便、無所謂」好像不太講究，但發現他們所謂「隨便、無所謂」的落腳食店，雖然毫不起眼，但勝在價錢平，食物水準也不遜色，完全是大家追求的那種平、靚、正貨色。

今次我哋搵左新界的士司機「龍貓」帶路，佢經常出沒於大埔、馬鞍山、元朗等地，「揸的士最開心是到處去，看看風景變化，又可以到處吃，但別給我太太知道，鬧死。」

華輝餐廳小廚

大埔的華輝小廚餐廳非常有名，餐廳是開業3、40年的餐廳，最馳名的是雞批和蘋果批，更曾在2010年獲米芝蓮推介！在2014年，華輝更成為電影《那夜凌晨，我坐上旺角開往大埔的紅van》的取景地，使這餐廳更為人熟知。

而這裡的雞批和蘋果批有切件及小批（一個完整的小批）之分。不過，這裡的批時常供不應求，所以你就知道有多受歡迎！

地址：大埔鄉事會坊17號地鋪

電話：2656 6420

營業時間：星期一至日24小時營業

皇甘栗

隨著時間的巨輪，街邊擺賣現炒栗子，在香港已越來越少見。這間名為「皇甘栗」的小店由年青人打理，職員都穿上鮮艷的黃色制服，店面放滿了一個個木桶，及各色各樣的貨品，鋪前橫額上還有一個 Q 版栗子圖案標誌，顧名思義店鋪是以栗子為主打產品，售賣即場鮮炒栗子。

吃過的街坊大讚，栗子味道甘甜芳香，這全因年輕老闆何浩然堅持用上等食材，選用出產品質最好的唐山遷西板栗，以機炒海砂栗子，將昔日味道重現。

另外，他們亦有自家出品杯裝雪糕，當然是栗子味啦！雪糕質地十分綿密，奶味與堅果的味道平衡，加上有大量的粟子粒粒，味道愈食愈甘甜，好味！據了解，雪糕的配方是由小店研製，並交由香港雪糕廠房製作。不過供應量有限，想一嘗雪糕的朋友，還是打電話查詢數目或留貨比較穩陣！

地址：大埔富善街41B地下

電話：2638 2788

營業時間：星期一至日09:00 - 18:00

舊果香林豆腐花

到大埔墟最受歡迎的豆腐花之選，好多人經過店鋪都會去買一碗。

每日新鮮製造的豆腐花，非常軟滑，而且口味多，街坊推介黑芝麻豆腐花、花生豆腐花、紅白豆腐花和燕麥豆漿。

地址：大埔大埔墟大明裡28號地下

有盈餐廳小廚

有盈餐廳小廚和一般茶餐廳間局差唔多，但就有個好揚眼的燒味檔！

叉燒半肥瘦，夠滑、美味、松化！絕對值得推薦！

地址：馬鞍山富安花園商場18A1-18A2鋪

電話：2668 8639

營業時間：星期一至日07:00 - 22:30

元朗燒賣皇后妙舒

這間燒賣店系元朗已經超過30年，全部燒賣都自家制，真材實料，餡料有新鮮豬肉、冬菇及鯪魚肉等等，粒粒燒賣都好大粒，特別要試下嘅一定系燒燒賣，外皮燒得好香脆，加少少辣粉、椒鹽，勁香口！吃時不妨蘸些自家制辣椒油，香辣惹味。

地址：元朗阜財街14號宏豐大廈地下11B及11C號鋪

電話：3461 9725

營業時間：星期一至日 11:00-02:00

喜歡這篇文章嗎？立刻分享出去讓更多人知道吧！