澳門氹仔政墳場將建火葬場惹風波！市民：拒絕「燒屍味」！

Macaulife

搜羅最新鮮

最勁爆嘅澳門新聞

對於大部分市民嚟講

都比較避忌火葬場墳場

但若一個火葬場建喺你樓下附近

或者人較多嘅地方附近

你會同意嗎？

民政總署計畫喺氹仔沙崗市政墳場內建設火葬場

但遭遇居民嘅強烈反對

本月22號，工務局興建火葬場公示規劃條件圖草案徵集意見，共收集到409住戶同79名來自附近聖公會學校家長意見。

另外，湖畔大廈嘅居民亦喺當日下晝向工務局提交反對意見。

大部分海灣花園居民認為：沙崗墳場附近有住宅、學校等人流密集地方，附近大潭山公園又系市民有現場所；

興建火葬場肯定會造成污染，加上附近仲有機場、碼頭等旅客入境通道，亦會影響旅客對澳門嘅「第一印象」。

更何況，從海灣花園樓上單位望去，同沙崗墳場殖場雖有一段距離，但居民指如風向吹正會聞到「燒衣味」，所以擔心興建火葬場後會聞到「燒屍味」。

去年本澳死亡人數2,000多人

當中約1,600人須運到珠海火化

比2007年增長近一倍

火化比例亦增到75%！

目前建議選址喺氹仔沙崗市政墳場內，靠近孝思墓園同永念庭等殯葬場所，與永念庭對望，亦有一山體形成自然屏障阻隔，讓設施同樓宇分隔，位置相對隱蔽；

而靈車路程較短，對市民滋擾亦較少。對選址問題，民署持開放態度，將繼續聽取社會各方意見。

沙崗墳場對面嘅海灣花園同附近湖畔大廈居民均表示反對，唔排除如果政府唔收翻決定，將會發起遊行。

話又講翻轉頭

有邊個人會願意畀人建

一個火葬場喺自己屋企附近

試問邊個唔想死者安息

但系咁做法的確會令人難以接受

何況造成污染嘅空氣

啱好對著人哋嘅小區散去

還需政府再度三思而行！

（本文圖片分享自網路）

「近期熱帖速遞」

喜歡這篇文章嗎？立刻分享出去讓更多人知道吧！