內地女喺澳門「襲警」仲企圖搶警槍自衛！結局竟如此尷尬！

Macaulife

搜羅最新鮮

最勁爆嘅澳門新聞

大家都知道，一旦女人惡起嚟，基本就冇男人乜嘢事喇！

對於女人嚟講，「就好似一隻溫順嘅獅子，只要你唔踩親佢條尾，基本上就可以安全度過啦。」

玩笑歸玩笑，小編帶你走入女人世界！

新聞速覽

最近，一名女子行喺西灣橋行車道上邊，因情況非常危險遭到啊sir嘅截欄；

女子後嚟態度突變，對啊sir拳打腳踢，最離譜嘅系居然去搶啊警槍！

事件詳情

本月24號下晝2點半，一名內地女子行喺西灣橋行車道上邊，身邊車來車往，非常之危險。

當警員到場接觸到呢名王姓女子後，要求王某出示證件。

但王某當場拒絕警員要求，且情緒過於激動，竟對警員「郁手郁腳」。

由於西灣橋規定行人通行，警員就截停咗一部的士，將王某送到氹仔海濱休憩區作進一步調查。

到咗氹仔海濱休憩區後，2名警員多次要求王某出示相關證件。王某隻攞出中國護照同入境申報紙，但1秒後就即時放翻袋內。

警員要求王某再出示，但佢拒絕並開始襲警，仲伸手去搶警員腰間配槍！慶倖警員及時阻止咗王某。

最終，警員將王某制服及拘捕。

至於為何情緒失控襲擊警員同企圖搶警槍，王某同警員交談稱感到無安全感，以為啊sir唔系好人，先拒絕合作同襲警。

據調查，王某報稱職業翻譯員，目前因涉嫌觸犯加重傷人、抗拒或脅逼以及違令等3項罪名，已被治安警移送檢察院查辦。

據「西灣大橋規章」規定，西灣大橋禁止行人通行，違者可被科處罰款900澳門元。

啊sir唔系乜好人？

喺唔喺警匪片睇多咗了啩

一名職業翻譯員

有一定嘅水準程度

亦都受到高等水準嘅教育

點解要做出啲咁嘅事

冇安全感就要搶槍

唔可以唔話

女人嘅心思永遠都令人猜唔透！

（本文圖片分享自網路）

「近期熱帖速遞」

喜歡這篇文章嗎？立刻分享出去讓更多人知道吧！