TVB綠葉靠扮女人搏出位 家有靚媽神似龔嘉欣

大台綠葉黃建東港男出身，入行前得家人助佢圓演藝夢，將原本買樓嘅首期俾佢做學費，到美國留學讀戲劇。

學有所成，雖然喺大台未有發圍，但難得開通嘅媽咪，見阿仔經常扮女人攪笑，行騎呢路線，依然百份百支持。

兒子在美國戲劇學院拿高級榮譽成績畢業，但在大台只能當大茄位，黃母說:「無論引人笑抑或不開心，都是一個角色，最緊要他好好發揮，與及他很有自己的一套創意，我覺得他做非常之好。」

反而阿仔黃建東，有時候因角色問題未能衝破心理關口，要經阿媽開導。黃建東:「間中要在綜藝節目扮女人，有時連我也猶豫好不好再這樣扮下去，但我媽媽反而說不要推，有得做就要珍惜，她說不要揀擇，反而叫我做，接這些工作，就算一句對白都要接。」

有冇覺得呢位開通媽咪好有明星相，而且仲有幾分似大台藝員龔嘉欣，身為舞蹈教師的她，當日還教兒子跳一part社交舞，母子間的對話互動，攪笑中盡顯溫情。

喜歡這篇文章嗎？立刻分享出去讓更多人知道吧！