香港書展吸睛，40歲人母楊思琦、港姐劉佩玥爆發胸戰

7月18日書展正式開鑼，每年都有大批女星、藝人及模爆發「胸」戰！今年亦有多位「參賽者」出寫真或遊記，有40歲人母楊思琦、港姐劉佩玥、輕熟女甄詠珊、網紅沙律及Rose Ma，仲有H胸模，甚至有日本、台灣、馬來西亞的代表，戰況激烈！

「輕熟女」

楊思琦

已為人母的楊思琦年屆40歲，但依然保持童顏及Fit爆身材，三圍34D、25、34，而且系2001年港姐冠軍，甚具知名度。思琦遠赴馬來西亞取景，有性感泳衣照同其他靚相，亦有文字講嚇內心世界，算系今屆寫真戰嘅震撼彈。

甄詠珊

前女子組合Freeze成員甄詠珊37歲，早前憑TVB劇《果欄中的江湖大嫂》扮演「惡人菊」人氣回升，乘勢推出個人寫真，請來著名攝影師葉青霖門生金永峰操刀。雖然性感尺度未必系最爆，但有遠赴歐洲取景嘅靚相，並以藝術感加分，而且成功爭取喺書展會場內舉行簽名會，率先突圍。

「才女類」

劉佩玥

2013年港姐季軍劉佩玥（Moon）推出文字相集，雖然唔算系寫真，但一樣不乏靚相同三點式泳照，全部喺美國取景。佢仲喺書中分享戀愛經歷，令Fans更了解佢。Moon自爆試過因戀情無疾而終喊到眼腫，凌晨喊住跑街！

簡幗儀

「美女設計師」簡幗儀（Lilian）有樣有身材，最勁系佢本身系設計師又有自己公司，今次已經系第四年出寫真，每年都會自己包辦所有造型同埋寫散文，大曬才氣！今年寫真繼續有大量索爆時尚造型，積極做運動嘅佢仲練出馬甲線，身形更勝往年。

「網紅類」

沙律及Kimi

喺網上有大批Fans嘅張沛樂（沙律）同趙詠瑤（Kimi）打孖上游台灣，講嚇閨蜜旅遊嘅難忘事同趣事，不過男Fans梗系想睇靚相啦！佢哋今次有30幾個造型，內衣、泳衣、睡衣，仲有兩女互拍嘅浸溫泉全裸相，大曬E Cup及D Cup上圍，挑戰兩人嘅性感尺度！

Rose Ma

電競女神Rose Ma（馬俊怡）投資六位數去東京取景拍攝處女寫真，佢本身畀人話似日本AV女優明日花綺羅，今次仲特登去男人最熟悉嘅日本AV泳池拍攝場景，令人充滿遐想！

另外仲有內衣造型同乾物女造型，大曬34D上圍，佢講到明自己Sell有肉地，鍾意纖瘦女仔嘅Fans要注意。

林小美

日本達人林小美（Cherry）一向深得少男歡迎，今次去日本拍旅遊書，有和服同學生妹造型。向來密實嘅佢仲激罕以火辣三點式示人，原來身材系禾稈冚珍珠，殺曬所有男Fans！

「過江龍」

松岡李那

日模松岡李那來港發展多年，有「蜜桃胸」外號，一早已經系大批港男嘅性感女神，今次松岡寫真「男友視角」，同Fans拍拖遊走香港大小街角，夠曬貼地。相片性感程度亦冇令大家失望，Sell「蜜桃胸」之餘仲有豐臀，Hot到爆！

Miko

來自馬來西亞嘅Miko Wong（黃潔琪）系林明禎「同鄉」，一樣有索爆外形，24歲、33C上圍加上甜美笑容，寫真有泳照、露波邊家居造型，甚至近乎全裸浸浴照，僅以泡泡遮重要部位！其中一日拍攝海灘場景，Miko竟然公然換泳衣，可見性格夠曬疏爽大方，實在令港迷期待呀！不過Miko就要到動漫節先嚟到香港見Fans，大家等嚇啦！

潘潘

台灣「雞排妹」師妹潘潘擁有34D上圍，有「直播界李毓芬」之稱，外形夠曬火辣又有台妹嘅嬌嗲，港男實鍾意。今次佢去咗台灣多個郊區拍寫真，但外號「雨神」嘅佢去到邊都落雨，要冒雨拍攝，寫真入面有泳衣、馬甲、性感睡衣甚至全裸。佢已經嚟咗香港等見Fans，大家記得留意喇！

「胸涌新生軍」

楊嘉文

擁有巨無霸32H上圍嘅模楊嘉文（Kana）年僅21歲，青春無限又有勁爆身材，已得到一班巴打注意，今次Kana玩鄰家女孩Feel，同Fans行公園、屋邨、巴士站及機鋪，無論男Fans有冇同過「Double May」拍拖，都會搵番初戀嘅感覺！

周鎧彤

有「巨胸張曦雯」之稱嘅模特兒周鎧彤擁有F Cup上圍，寫真不乏噴血造型，請來一男一女攝影師操刀到台灣郊區拍攝，展現歐美風格及女性美感，而且今次周鎧彤唔打算賺錢，收益扣除成本會捐去特殊學校，夠曬有善心。

「Sell高瘦」

伍倩彤

「嫩版張曼玉」伍倩彤（Gillian）系第四代「邦民女」，擁有高挑身材同甜美笑容，但佢唔玩可愛少女風，而系去布拉格拍攝，有逾20個造型展現性感貴氣，期間冒大雪著少布拍攝，相當搏命。

楊曉穎

「陳嘉容師妹」、27歲嘅楊曉穎舊年已經伙拍同門姊妹出過寫真，今年就單飛出書。雖然只得A Cup上圍，但佢就自信爆棚，有十幾個性感造型，其中一個主題帶你闖入佢閨房，佢仲裸睡露背露股罅，畫面火辣，又睇嚇得唔得到男Fans歡心！

喜歡這篇文章嗎？立刻分享出去讓更多人知道吧！