一叫埋位二人即「交足戲」？楊千嬅陳煒回應關係不和

影后楊千嬅、陳煒（煒哥）及朱晨麗（朱朱）因拍無線新劇《多功能老婆》而變閨蜜，彼此互相照應，日前三人偕同黃浩然、馬蹄露及黎燕珊等人於天后拍外景，劇情交代千嬅有新工作，煒哥及朱朱等專誠現身打氣。

老友互笠高帽

早前有指煒哥與千嬅零交流，然而導演一叫埋位，二人即「交足戲」。當事人煒哥及千嬅否認不和，更互笠高帽大讚對方專業。煒哥坦言：「嗰日要先拍千嬅、馬蹄露同童星嘅戲份，我冇理由走埋去打擾佢哋啩？咪同朱朱企埋一邊傾偈囉！大家都系好朋友，千嬅一切都準備得非常好，對白亦有自己嘅特色，我哋一個眼神已有足夠嘅交流。」千嬅同樣表示：「今次拍劇之餘，仲識到一班新朋友，煒哥真系位實力演員。」據悉，三人曾結伴去欣賞舞台劇，關係不言而喻。

乜都傾一餐

千嬅欣賞煒哥之餘，亦對朱朱讚不絕口：「佢跳芭蕾舞好叻，我又鍾意睇芭蕾舞表演，佢一個女仔飄洋過海去學舞，我覺得好有鬥志。其實我哋三個乜都傾得一餐，上至健身下至扮靚，全部都可以分享。」

朱晨麗獲特別照顧

而三人中年紀最小的朱朱坦言獲得「雙重照顧」：「好難忘啱啱開工嗰時，我啲廣東話唔正，有工作人員走埋嚟講啲衰嘢寸我，我真系唔知點解，但千嬅即刻好嚴肅咁中止對方。而煒哥知我冇助手，有時拍嘢我行唔開買嘢食，佢買到就會分一半畀我，真系好似大姐姐咁。」

贊「囝囝」聰明

另外，千嬅談到戲內「囝囝」即母性爆發，大讚對方聰明：「佢同我個仔Torres都系6歲，所以好有親切感。試過有次佢唔滿意自己表現，竟然走去同副導演講要一分鐘時間冷靜，返嚟佢又真系做得到喎，好叻仔！」

歡迎分享至朋友圈

來源網路

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！