志偉「三宗罪」！看不起TVB？倒戈挖角？踩港姐？無線終於忍無可忍！

其實志偉與無線多年來的恩怨，千絲萬縷，其一言一行都沖著無線而來，可謂又愛又恨。打從1995年開始做的《獎門人》系列遊戲節目，收視和口碑極佳，令志偉成為綜藝組的台柱，直至2013年被傳與綜藝組揸旗的余詠珊不和。不過創意十足的二人亦實事求是，以成熟態度處理局面，曾欲雙劍合璧打造一個走出錄像廠、到各區與觀眾互動的全港遊戲節目真人騷，可惜只聞樓梯響，最後亦不了了之。

罪一：拉攏招兵撐亞視！

諗頭多多的志偉，早在2016年亞視熄機時，曾傳他四齣搵老闆泵水買亞視，兼向無線幕後人員大挖角，望打造以他為首的製作團隊對撼無線。據知無線當時極為不滿，但最後因未成事，就當對方「一時貪玩」而當冇事發生。

罪二：倒戈助陣ViuTV做嘉賓

過完一輪「冷河」後，志偉終在去年《萬千星輝賀台慶》「翻生」，正當大家以為彼此關係緩和，好戲卻在後頭！志偉月前竟倒戈為ViuTV的《Good Night Show 全民睇波派對》任嘉賓，並以「明星足球隊」名義，應ViuTV安排，拉大隊往俄羅斯欣賞世界盃的終極大戰，明剃無線眼眉！他受訪時更指無線不會如此小器，並坦言與ViuTV會再有合作！此番挑釁行為，引爆無線高層的怒火，在不能容忍的情況下，決定封殺志偉！

罪三：踩港姐慘不忍睹！

2013年港姐競選，志偉再口出狂言，寸爆由余詠珊統領的新改革賽制，由做現場（Live）變為錄像。錄像期間他更按捺不住：「X你老X！港姐系Live，點解要錄像呀？」及至去年9月，他又再寸爆狂踩，以四個字形容港姐決賽：「慘不忍睹！」

志偉昨日出席「奇華至尊月餅首播禮」，被問到可有留意今屆港姐時，對港姐又愛又恨的他「又嚟料」，先贊佳麗質素比往年好，至於會否擔任港姐司儀？他則笑說：「等佢哋搵我先，要睇嚇咩模式，如果好似上年咁，凈系出嚟講幾句嘢就唔好喇。」

由於今年港姐取消外景拍攝，將到西貢拍特輯而被網民取笑由歐洲淪落到本地的西貢時，志偉「寸嘴」說：「越南個西貢？（香港西貢！）西貢咁遠呀？離將軍澳好遠喎！（覺得失色？）我自己就鍾意以前嘅模式，可以不斷更新嘅，但有啲嘢系需要保留原味。香港小姐一年一度，觀眾系期待嘅，大家都會想睇泳裝、問答環節、外面花絮，新聞界一齊出埠報道，大家討論，觀眾對港姐多啲認識，咁節目都會好睇啲。」

與曾志偉分屬好友的無線親生仔陳百祥（阿叻），最近在橫店拍電影，提到志偉早前為ViuTv「講波」兼拉隊飛俄羅斯睇世杯一事，明剃無線眼眉，阿叻表示：「我點敢去呀！我系無線親身仔，流著TVB血?，我跟埋去就唔使撈啦！（勸嚇志偉？）冇啦。（佢同無線關係唔好喎！）仲好啦！冇咗佢喺度阻住我，今年港姐咪我做囉！因為我同無線一年簽一騷，我唔做港姐就冇嘢做！（你和志偉都系無線Icon？）我系咋，我系無線養大嘅，佢就系幫無線打仗攞收視。（但今年港姐好似冇志偉？）佢唔做啫！佢睇唔起TVB嘛！」

歡迎分享至朋友圈

來源網路

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！