周秀娜被動漫節封殺李嘉欣出遊手袋護肚落選港姐都參加 ViuTV

娛樂 08-06

The Best Is Yet To Come

Threesome

at17

00:00/02:41

今日快報

唔怕變黑出海喪曬　何佩瑜30歲前最想做…

藝人何佩瑜（Jeana）偷得浮生半日閑，相約朋友出海耍樂。她於社交網站上載靚相，又留言：「女孩子都怕黑，但是二選一的話，我還是會選擇曬太陽。」

她事後接受電話訪問表示：「我搽咗好多防晒呀。女人梗系白啲靚啲，但我覺得人生匆匆數十載，冇理由因怕晒黑而浪費青春，與及同友人相聚嘅快樂時光。我本身好喜歡夏天嘅，而參加水上活動玩到成身汗可以去水腫、通淋巴，過程又冇一個人健身咁悶喎。（有乜嘢仲想趁青春去享受？）我今年29歲，好想30歲前返到鄉下北京，同嫲嫲、婆婆、叔叔及姑姐等親友，齊齊整整咁影張全家福作紀念，呢個系我嘅願望，因為嚟咗香港之後，我真系冇乜時間陪佢哋。」

天鵝上的準新娘！陳凱琳水著Look索爆

藝人陳凱琳（Grace)與鄭嘉穎將於本月12號在峇里拉埋天窗，一直未有現身的Grace，繼前日網慶生照後，其後她再曬出一張跪在巨型粉紅色天鵝水泡上的泳照，難怪網民指待嫁新娘的Grace，果然人逢喜事精神爽！

落選港姐都參加 ViuTV《廣告女皇》過千人報名

ViuTV繼《Good Night Show全民造星》選男神之後，再舉行《Good Night Show廣告女皇》選囡囡，佢哋喺柴灣進行面試，監製楊任豪話收到過千份表格，呢3日會見大約300位面試者，而今日就見21個。有乜準則？楊任豪話：「要樣靚，同埋要有自己諗法，唔會好似選美得一個模式角度，今次有真人騷成份喺入面，最終會揀20個入圍，用3個月時間去打造廣告女皇。」

面試有兩位系落選港姐，會唔會面對鏡頭好啲？楊任豪就話：「最主要睇嚇夠唔夠fresh。」監製話依家搵緊星級導師：「例如倪晨曦，佢做KOL做得好成功。」講到落選港姐21歲范莎莎同22歲陳曉婷，范莎莎系今年落選港姐，陳曉婷就系2016年落選港姐，佢哋兩個一齊接受傳媒訪問時話大家見面一拍即合，但當時大家都唔知對方系落選港姐，范莎莎話：「我唔講系怕得罪人，但我哋兩個都好想入行，見今次《廣告女皇》，所以好想用正途入行。」陳曉婷就話自己想拍廣告，覺得自己優勝之處系冇偶像包袱：「可以醜化自己，唔化妝都可以開live。」

今日21個女仔，除咗兩個落選港姐之外，仲有大台兒童節目《Think Big天地》主持李雯希、跳唱組合《星座少女》3位成員黃寶瑤、李善敏同易佩詩。講到21個女仔質素幾平均，但李雯希比較大份，其他比較細粒，而大部份女仔都曾經拍過廣告。其中張敏潔望落有啲似Stephy鄧麗欣，佢話：「都有人話我似，不過亦有人話我似2R嘅Race同張栢芝。」張敏潔拍過安信兄弟、同劉青雲拍過念慈菴廣告，又拍過陳慧琳《做自己的太陽》MV。