黎諾懿有望逐視帝？　王喜任創作總監　雷庄兒反加國拍拖胸壓男友

今日快報

6月7月8月都生日　到底方媛今年貴庚？

天王郭富城太太方媛嘅生日日期一直都系一個謎，之前佢曾經喺微博表示自己1988年6月11日出世，但之後喺佢同郭富城嘅「擬結婚通知書」上顯示，佢嘅出生日期又變咗1987年7月6日，點知尋日（5日）佢突然喺社交網祝自己生日快樂，一個人竟然有三個唔同嘅生日日期，真系好亂呀！

唔少粉絲都非常疑惑，而方媛都有喺留言解話，話自己原來系計農曆生日，並表示系喺閨月嘅農曆6月11日出世。 

啞都有對白？楊秀惠拍另類動作戲累到爆

藝人陳山聰、楊秀惠日前到旺角拍攝新劇《十八年後的殺人告白》一場動作劇，講述演啞女的秀惠騎電單車勇救被仇家追斬的山聰。秀惠與山聰都不懂騎電單車，飛車戲要由替身上陣，但山聰被打的戲份則要親自演繹，難免周身瘀。

雖然不用飛車，但秀惠有另類「動作戲」，她說：「我要用手語講對白，壓力真系大到想喊。真正手語會配上誇張表情，因為導演覺得畫面上唔好睇，所以我畀好多心機喺手部動作，動作要大又要靚，拍完攰過打完麻雀咁！」問演啞巴是否較少對白？秀惠說：「唔系囉！都要錄對白配番做心聲，所以都有對白要講。」

返加國拍拖！雷庄兒胸壓男友獻吻

港姐冠軍雷庄兒（Juliette）早前講過唔留港發展，會返加拿大生活。話咁快佢就已返到家鄉，牙醫男友Brandon仲喺社交網曬出二人嘅甜蜜合照，相中見佢哋攬到實一實，Juliette仲流露出一副幸福樣，終於都唔使相隔兩地，難怪佢哋笑得咁開心。隨後，Brandon仲曬出一張Juliette側身鍚佢面珠兼送波餅嘅相，並留言：「Blessed！」成班網民睇見都話閃到爆呀！

傳有線大裁員　王喜任奇妙電視創作總監

最近傳出有線大裁員，重災區是娛樂新聞台，當中12名工作人員包括；導演、記者、編輯，與及外景隊共11名人員23人被裁走，只餘下一名總編輯留守娛樂新聞台，而所有採訪及製作的工作將外判給其他公司，娛樂新聞台將節目，則由半小時減為15分鐘，而娛樂新聞總監及製作總監霍澤基，將於8月離職。其他大改革亦接踵而來，藝人王喜更入主有線旗下的奇妙電視擔任創作總監，開拍新節目，邀請了葛民輝及蘇絲黃主持節目。

就裁員問題，有線回復稱：「為配合業務發展，公司需要調節娛樂平台製作部門的人手安排，重新調配及靈活運用現有資源，並因應製作模式改變而進行架構重整。」

 唔介意同小春雞拍廣告 黎諾懿︰入行演戲就唔想

黎諾懿最近主演嘅劇集《BB來了》剛剛播完，本身都系「奶爸」嘅佢，憑呢套劇演「允豬」爸，令佢人氣爆燈，有望問鼎視帝。呢排會展有個BB展，早前黎諾懿現身代言嘅奶粉活動，仲即場同啲爸爸們斗沖奶技巧，吸引唔少港爸港媽圍觀同集郵。

入行前曾做過書店sales嘅黎諾懿，喺展覽會上充當sales，短短15分鐘，靠佢把口就做咗過萬蚊生意額，佢話︰「其實今日活動好有意義，我賺到嘅營業額，全數會用作慈善用途，講真，叫我扮售貨員同示範沖奶，對我嚟講零難度，由『小春雞』（兒子）出世開始，我已經負責沖奶，真系闔埋眼都識沖。」

現場有巿民話年底會投佢一票角逐「視帝」，黎諾懿笑都幾開心，對於獎項有冇信心？佢就話：「劇集成功已經好開心，希望可以拍續集，獎項方面 ，當然人人都想得獎，但暫時言之尚早，都系順其自然啦！」

呢排豬籠入水嘅佢，兩個月就勁賺7位數，佢仲話工作排到明年，佢話︰「好多謝套劇為我製造一個好爸爸形象，喺現實中我都要做個好爸爸，賺多啲錢照顧『小春雞』。」至於會唔會同「小春雞」父子檔上陣拍廣告，佢話︰「其實我唔介意『小春雞』出活動拍下廣告，但如果要『小春雞』入行演戲我就唔想。」

歡迎分享至朋友圈

?轉載授權微信：lama129

? 商務QQ：1900556960

香港娛樂八卦

盡在

HKChannel

喜歡這篇文章嗎？立刻分享出去讓更多人知道吧！