暗指小龍女濫葯？郭秀雲鬧爆：對生活冇計劃！貢獻唔到社會至少要照顧自己！

吳綺莉女兒吳卓林昨日被揭流落加拿大街頭，吳綺莉的好友郭秀雲透過電話回復媒體，表示不能肯定相中人是卓林，嘆指：「邊可能有阿媽唔錫自己個女，怪就怪阿媽以前太縱個女，真系見到都肉赤，佢依家反叛到咁，但唔系跌到咁，佢唔會珍惜以前有嘅嘢！」

遭女友利用？

她直言覺得卓林對生活亳無計劃，指卓林處於超級反叛期，更暗指卓林有濫葯的習慣：「唔知佢食咗啲咩藥物，影響到佢咁，擔心系唔知卓林幾時先醒，啲葯食得多對身體唔好，佢新聞價值愈低愈好，嗰位老師同佢阿媽系想借卓林唔知做啲咩，之前話想出書，一講就畀人鬧喇。嗰位老師好鍾意喺網上搞啲Noise，以為啲Like可以變成錢，但系唔成功！」她又拍吳綺莉情緒OK，但無奈表示現階段甚麼都做不到。

目的為要錢？

其後她又指卓林的目的是為了錢，早前她已爆料指卓林女友Andi與Andi的母親曾向吳綺莉要錢，更是「萬萬聲咁要」，她直言要求不合理：「冇人阻止佢想要愛情，但貢獻唔到社會都算，至少要照顧自己！」

母女冇聯絡？

被問到可知道卓林與吳綺莉有否聯絡？她表示：「以我所知就冇，知佢曾經搵過吳綺莉啲朋友求助，卓林好耐之前喺Facebook同我溝通過，嗰位老師都有text過我，我冇理佢，後來佢就text嚟鬧我，我都冇睬佢，好多個月前喇。我知卓林唔會搵我，佢唔同嗰位老師一齊先有機會搵我。」

睇情況幫忙

至於與卓林份屬好友、郭秀雲的仔仔龐景峰則表示不知道卓林是否在加拿大拾荒為生，他說：「我真系咩都唔知，我同佢半年冇聯絡。（系真會唔會幫佢？）睇情況。（主動搵佢？）睇情況！」

歡迎分享至朋友圈

香港娛樂八卦

盡在HKChannel

喜歡這篇文章嗎？立刻分享出去讓更多人知道吧！