出發飲鄭嘉穎嗰餐 曹永廉帶唐文龍做「禮」

藝人黎耀祥與太太，以及曹永廉與唐文龍出發前往峇里參加鄭嘉穎及陳凱琳婚禮。祥仔表示：「買咗飾物送畀新娘子，祝佢哋以後開開心心、白頭到老、連生貴子！」由於正在拍攝新劇《殺手》關係，他預算後天便返港：「我凌晨3點先收工，返屋企衝過涼同休息咗一陣就嚟機場喇。」

曹永廉與太太一同到機場，他會合唐文龍飛峇里，而太太則與子女飛到日本旅行。他受訪笑謂：「我哋去飲飲食食。能夠參加呢個盛事，我帶埋唐文龍去當禮物，講笑咋，我準備咗禮物，返嚟先送，帶過去唔方便。」唐文龍則感性謂：「嘉穎搵咗咁多年，先搵到佢人生中最重要嘅人，好戥佢高興。」當問到會否趁機叫嘉穎介紹好女仔，阿廉代唐文龍解圍：「佢都搵咗咁多年先搵到，邊有得介紹？靠自己啦。」

另外，何猷君與女友奚夢瑤出發前往北京，當發現者即分開行，但由於兩張登機證都在猷君手上，二人最終亦走在一起。

喜歡這篇文章嗎？立刻分享出去讓更多人知道吧！