食過返尋味嘅龜苓膏

細細個就聽講過「生在蘇州，住在杭州，食在廣州，死在柳州」呢句話。因為廣州嘅烹調技術最精，美食品種最多，所以贏得噉嘅名聲。講到美食，甜品當中最受歡迎嘅系乜嘢？答案梗系龜苓膏啦。

相傳龜苓膏嘅原產地喺廣西梧州，系百年草本調養專家——致中和（始創於1763年）研發嘅，最初系清宮中專供皇帝食用嘅名貴藥物，呢種歷史悠久嘅傳統葯膳啲製作工藝後來就喺廣州地區得以發揚光大。

廣州龜苓膏主要系以名貴嘅鷹嘴龜同埋土茯苓作為原料，再配生地等好多味中藥材熬煉足三十粒鍾精製而成，不涼不燥，老少咸宜。具有清熱解毒、滋陰補腎、保健養顏嘅功效。因為地理環境同氣候嘅關係，廣州人好講究清熱去濕，所以飲食方面就鐘意揀龜苓膏。後生仔女食得熱氣嘢多，生痱滋、生痘痘喔，最好食番盅嚟排毒啦，啲女士食咗面色紅潤、皮膚嫩滑，真系魅力沒法擋嘎。依家海天堂呀、清心堂呀呢啲甜品店同埋涼茶鋪都有龜苓膏賣，咩秘制龜苓膏、川貝、靈芝、蘆薈、珍珠龜苓膏乜花款都有。

有人話佢唔夠涼粉咁好食，啲識飲識食人士聽咗肯定會灑手兼擰頭。龜苓膏黑的嚟厚實，涼粉黑中帶啲透明。涼粉系用涼粉草制咖嘛點同啫，先慢火熬到啲草爛出膠，然後倒出啲膠水，清除草渣，再放入鍋中煮滾，加入啲木薯粉煮成漿，冷卻咗就變成糕狀嘞。啲涼粉凈系消暑解渴，邊冇乜功效嘎。一般市面賣嘅所謂龜苓膏，將貨就價，大部分系用廿四味藥材撈埋啲龜苓粉整嘅，重特登呃人話龜苓膏系越苦功效越好，其實消費者只系食到啲寒涼嘅苦草，食多兩碗肯定頭暈眼花。試問三幾蚊嘅龜苓膏有幾多真材實料啊，凈系得個名咋。真正嘅龜苓膏用嘅新鮮龜板同土茯苓，系甘而唔苦嘎。熱天上火喔，拎一小缽龜苓膏，加蜜糖之後晶瑩透亮，攞調羹打橫打豎切成小塊，一啖一啖噉入口，真系滋味無窮、齒頰留香嘎。呢種具有培元固本作用嘅養生珍品，自然成為兩廣同港澳地區一致推崇嘅健康食品喇。

長按以下二維碼

可關注「王小女子」的公眾號

喜歡這篇文章嗎？立刻分享出去讓更多人知道吧！