佘詩曼自爆搵到合二為一的人無線節目採訪「穎琳」婚禮被拒盧凱彤今日設靈

娛樂 08-13

荒原

盧凱彤

00:00/04:11

今日快報

阿Sam貓王腔震紅館　阿倫遭歌迷攬錫撞爆嘴

歌神許冠傑（阿Sam）及校長譚詠麟（阿倫）假紅館舉行《阿SAM & 阿TAM HAPPY TOGETHER演唱會》，吸引趙雅芝、黃錦燊、陳貝兒、顧紀均和兒子等前來捧場。

去年開騷時正值流感高峰期，二人不畏與歌迷親密跳舞，今年更明言要跟歌迷全接觸。昨晚（11日）阿倫遇到超級熱情的歌迷，本想跟她一起唱歌，但對方太興奮，不小心撞到阿倫個嘴，幸好只是小傷！之後阿倫遭歌迷衝上台連環施襲，熱情地又攬又錫，令他哭笑不得，而阿Sam就大送香吻。而阿Sam扮貓王（美國已故搖滾巨星皮禮士利）贏得全場掌聲。另外，舞蹈總監Sunny Wong前天傷了足踝，但仍專業地上台跟阿倫對跳演出。

婚宴場內片曝光！嘉穎陳凱琳風騷招待賓客

藝人鄭嘉穎與陳凱琳昨日喺峇里BVLGARI頂級酒店舉行婚禮，部分圈中好友都有出席，可能佢哋知道一對新人作風低調，所以就冇乜喺社交網曬相。另外，無線節目《東張西望》日前想追訪兩人搞婚宴嘅餐廳時，卻遭到落閘拒絕，可見婚宴場內環境十分神秘。

不過，其中有份出席婚禮嘅模特兒林皓霆（Charles），就喺IG為大家解開疑團。佢曬出一段喺場內跳舞嘅短片，仲Tag埋賴慰玲、陳嘉寶及其老公黃頌祈等人，似乎玩得相當盡興！呢段片不但曝光場內浪漫嘅環境，仲隱約見到一對新人鄭嘉穎與陳凱琳忙於招待其他賓客，場面相當熱鬧！

《東張》採訪「穎琳」婚禮被拒

屬於無線出身的鄭嘉穎和現役包薪藝人陳凱琳今次到峇里舉行婚禮，一直保持低調，不過，無線節目《東張西望》前住當地採訪婚禮過程，卻連「自己人」都冇面畀！

拍攝隊前日追訪兩人到酒店外的餐廳期間，一度被攔截，最後在餐廳門外拍攝時，亦因餐廳人員落閘和拉上窗廉，而未能順利採訪。《東張》主持容羨媛回復媒體時表示，在不打擾情況下超額完成採訪，已覺交到差了。她說：「知道佢哋想低調，而陳凱琳亦好有禮貌拒絕嘅，話返香港先至傾。至於跟車去餐廳時中途有阻礙，好彩我哋個司機好醒目，最後搵得番餐廳位置。而落閘拉廉一事，其實我都好明白佢哋系唔想畀人騷擾，不過我哋都拍到鄭生、鄭太，已經好開心！」

舊愛結婚了　佘詩曼自爆搵到合二為一的人

鄭嘉穎同陳凱琳喺峇里拉埋天窗，昔日嘅緋聞女友佘詩曼（阿佘）就喺社交網發文話感謝有一個人同佢合二為一，仲話同佢惺惺相惜咁話，嘩！究竟系邊個？不過大家可以冷靜，原來佢所指嘅系佢御用國語對白嘅配音員蘇柏麗呀！日前阿佘就同佢一齊上內地節目，仲曬出二人合照，並留言：「我們遠隔萬里卻惺惺相惜，我們各自感悟人生卻又經常交疊體驗人生，我很享受我們的關係。一個我、一個你，在熒幕我們合二為一！」網民都話最希望阿佘真系早日搵到佢愛嘅人呀！