唐詩詠恨結婚？余德丞母親再報喜 黃宗澤曬白眼
月半小夜曲
命運符號
李克勤
00:00/04:50
今日快報
搞笑又可愛！陳茵媺仔女嚴重時差攤瞓梳化
靚媽陳茵媺（Aimee）早前帶咗三小朋友去加拿大，最近終於返港，廿四孝老公陳豪仲去接機兼送上「肉嘴」，真係sweet到爆！不過返到嚟小朋友竟然嚴重jet lag（時差），仲不停起身，夜晚11點、凌晨2點同4點都會醒，不過好在老公咁啱唔使開工，可以幫手照顧，所以佢先有時間休息！Aimee喺社交網上載仔女同時喺梳化瞓覺相，姿勢勁搞笑，睇嚟真係好攰，網民就話個畫面真係有好有愛呀！
Aimee又話佢哋話瞓就瞓，就算電視機開到好大聲，佢哋都瞌著咗，仲話：「Major jet lag even in front of a loud tv ... Woke us up at 11pm, 2am and 4 am.... Super glad @moses_chan_ didn"t have to work today so can keep them busy... Thus mama is free to organize!」
李思欣范振鋒造人未遂 急搵李居明教路
藝人范振鋒與李思欣與堪輿學家李居明齊齊拍攝新年電影，大談豬年運程，二人於戲中大談夫妻運，問到李居明有否對二人作出指點時，思欣謂:「李居明師傅有教我生仔嘅技巧，同埋帶啲乜嘢飾物嚟催運，我都會跟住佢嘅程序去做，要生仔嘅話就必跟。」問到技巧是甚麼時，思欣謂:「係時辰囉！咁乜嘢時辰就要觀眾自己入戲院睇啦！」
黃宗澤做Gym反曬白眼
黃宗澤（Bosco）向來身形弗爆，皆因佢經常做運動又跑步又做gym，真係好勤力！Bosco喺網上分享佢做gym相，相中見佢舉啞鈴仲擺出趣怪表情，先見佢谷住度氣仲嘟起個嘴，之後又擺出一個用盡全身力氣兼反埋白眼嘅樣添，難怪佢都話：「通常在耗盡所有體力之前會出現的兩個表情！」網民都話Bosco嘅表情好好笑，仲話佢做呢啲表情係自毀形象喎！不過大家都好欣賞Bosco嘅恆心同毅力，但就嫌佢著得太密實，冇咩睇頭咁囉！
連傑請阿哥攞行李年薪120萬人仔
有網友拍到李連杰外出照，發現同行者中，有一名拿著行李和衣服的人、長相和身材跟李連杰一模一樣，一眼看來令人分不清誰是正版李連杰，原來這個人是李連杰的胞兄李連勝。據悉，李連勝為細佬打工已經好耐，只不過一直冇人察覺，而他薪酬亦唔嘢少，年薪120萬人仔。
1963年出生於北京一個普通工人家庭的李連杰，在家裡五名孩子中最細，母親是售票員，工資微薄，父親在他兩歲的時去世，家庭的重擔就落在母親身上。在這種環境長大，令李連杰養成了自立自強的性格。
李連杰兩個姐姐曾經在節目中公開感謝細佬：「雖然長大後都各自成了家，但是如果沒有弟弟的幫助，我們現如今肯定會過的很艱辛。」二姐的老公去世後，留下兩個孩子，一直都是李連杰幫忙撫養。
母親再報喜 余德丞轉病房
無線藝人余德丞（Dickson）8月8日晚踢波暈倒送入瑪麗醫院深切治療部（ICU），日前余媽媽透露兒子已經可以「傾到偈、食到嘢」！而傳媒昨日於ICU門口守候，未見余媽媽前來探望。在今日下午1時45分於醫院19樓心臟專科中心及心臟護理部終於見到剛探望完Dickson的余媽媽步出病房，她由兩位親友陪同下離開。問到留醫ICU五日的Dickson情況如何，余媽媽報喜：「已經離開ICU！（幾時出院？）未知！」
轉住心臟科病房
余媽媽其後透過經理人發放兒子最新消息，她說：「感謝瑪麗醫院所有醫生、護士及工作人員連日來對Dickson的悉心照顧，Dickson已經情況穏定，漸漸康復，昨天已離開深切治療部。同時亦做了檢查並要轉住心臟科病房觀察。對記者們做成不便，唔好意思！」
會再發放最新情況
余媽媽表示目前Dickson仍需聽從醫生建議，靜心休息及配合治療，他已經收到各方好友的問候及祝福，非常感謝大家，未能一一回復希望大家見諒。對連日來傳媒朋友留守醫院，十分辛苦，她表示非常感謝：「Dickson已經離開深切治療部，大家亦可以休息，不用再守候醫院。」之後兒子有什麼最新狀況好消息，她都會主動透過TVB經理人部門同事幫忙發放，辛苦大家。
恨結婚？詩詠參加嘉穎婚禮感動爆喊
藝人唐詩詠日前到峇里出席「大佬」鄭嘉穎與「大嫂」陳凱琳的婚禮，由於要返港為劇集《解決師》拍攝，故無法留在當地繼續享樂。談及婚禮上嘉穎及Grace都爆喊，詩詠接受東網訪問時謂：「我哋幾個兄弟之前都講到自己好勁，話一定唔會喊，不過大家一見到大佬喊，我哋都忍唔住，的確係感動嘅！」問有否結婚的衝動？她謂：「遲啲先啦！哈哈！」
歡迎分享至朋友圈
香港娛樂八卦
盡在HKChannel
※她當紅時未婚生子被渣男拋棄，如今老公被曝出軌經紀人，秀恩愛同房睡？
TAG:HKChannel |